3 Tutuyanina Mosese 'oyayega i obuma 'Auvea yana veimea wata yana awave'eda'eda i lu'ivoneyedi tomotoga 'waidie, nika matatabudi bonadi 'aitamogana 'wainega i tutula i vo, Naninidi matatabuna 'Auvea i voneyediga 'a na 'idewadi.” 4 Mosese 'Auvea bonana matatabuna i kilumidi. I 'atai, 'awa'awaiogose Mosese 'eba velomu i didigi 'oya lamuneye. Wata kileu bwaikidi 12 i vetovoidi, me Isileli wauma 12 'adi 'eba nuave'avina.

5 I 'a'avana, me Isileli tubuvauvau 'ifwaidi i vetunedi 'eba velomu 'waineye, bei 'aisaya i velomuyedi i kabunidi, wata bulumakau veiana faifaina i 'anivelena-maimaiga 'Auvea 'waineye. 6 Mosese 'aisayanidi dayagidi i 'ewai 'aivoeye i iwagi, 'ifwaidi 'wainega 'eba velomu i luitaitali. 7 I 'a'avana, Veakutagona 'ana Buki kilukilumina i 'ewai i lu'iawawai tomotoga 'waidie, nika matatabudi i tutula i vo, 'Auvea yana vona, matatabuna 'a na 'idewai wata 'a na vematayakeyakeni.”

8 Mad 26:28; Mak 14:24; Luk 22:20; 1 Kol 11:25; Ibu 10:29; Ibu 9:19,20Mosese dayaga luvegalalana 'wainega tomotoga i luitaitalidi i vonedi i vo, De'e dayaganina yami 'eba 'isa 'Auvea yana veakutagona i 'idewai 'waimie, bani'odi i voneyediga de'e bukinina nageneye.

12 'Ifwaidi tutuya i 'a'ava, 'Auvea Mosese i voneni i vo, 'U na lakama 'oyeye, bei 'u na miamia mulieta kileu beabeadi 'adi 'ailuga a na velemu. Kileunidi 'waidie veimea wata awave'eda'eda a kilumidiga 'u na 'ewadi 'wainega tomotoga 'u na vevedi.” 13-14 Mosese to'edakumetavo 'au'auveadi i vonedi i vo, Bei 'wa na miamiani wata 'wa na lulukamata 'ana tugusa 'a na vilama 'waimie. Eloni wata Ewa taiadi 'wa na miamia, 'ai'edi aitoi iana taiadi i na ve'ivonavona, i na naweni 'waidie kiavetonova faifaina.” Mulieta Mosese wata 'ana to'aivaita Iosua i 'idewadewa i 'a'ava Mosese i laka Yaubada yana 'Oya 'waineye.

15 Tutuyanina Mosese i lakalaka 'oya matatabuna waowa i umai. 16 'Auvea yana mageta mataududulina i obuma 'Oya Sainai 'waineye, 'aiata 6 nagedie magetanina i 'eno'eno. 'Aiata 'ana ve-7 'waineye 'Auvea Mosese i goleni waowa 'wainega. 17 'Auvea yana mageta mataududulina me Isileli i 'ise'iseni, 'wa da vo 'ai bwaikina i da 'ala'alata 'oya tabwaneye. 18 VeL 9:9Mosese i vagalaka 'oyeye nika i luku waowa nageneye, bei i miamia 'aiata 40 wata lovana 40.