6
Yaubada Aisea i goleni i na vetolu'ivona
1 2 Kin 15:7; 2 Ifu 26:23Malamalanina nageneye Kini Usaia yawaina i 'a'ava nika bei 'Auvea a 'iseni. 'Ana 'ivi 'ai'aiwabuna 'waineye i miabui ma yana veimea. Tabwaotogineye i miamia, 'ana talauma mataifwa'avana Vanuga 'eba Velu'ui matatabuna i veluvaia. 2 Lilivaneye nani 'ifwaidi ma yawaidi 'ala'alaidi,*'Ana mogitana vona Ibeliu 'waineye, Selefimu. 'aitamogana 'aitamogana fafedi 6. Fafedi 'adi 'ailuga 'waidiega maigidi i velu'uvadi, 'adi 'ailuga 'waidiega 'agedi i bwasadi, we'e fafedi 'adi 'ailuga 'waidiega i yaveyavega. 3 Ve 4:8Naninidi ma yawaidi tauni'avadi i vegolegole i vo,
Tabu, Tabu, Tabu.
'Auvea magemagetana, tomia abama yadi Tovemata'ai'ai.
Yana mageta mataududulina fwayafwaya matatabuna i umai.”
4 Ve 15:8Bonanidi 'adi nogaya 'wainega Vanuga 'Eba Velu'ui i yueyue wata nagena lufwa i umai.
5 A vona a vo, Aioe a ilailagi, a na wafa! Kebu tamu aitoi i na 'ivaiseku fai yau tosakona, vonanidi 'aitamogana 'aitamogana a 'ina'inanadiga kebu magemagetadi, wata tomotoga 'awasasadie a miamia yadi vona kebu tonovidi. Siwe tauniku matakuyega a 'iseni Kini, kumanina 'Auvea tomia abama yadi Tovemata'ai'ai.”
6 Tamu nani ma yawaina 'ala'alaina i yaveobu 'eba velomu 'waineye, mula'wa 'ala'alaina i 'ewai 'eba 'aligaga 'wainega. 7 I yavega i mai 'waikuye kebulaku i ve'abitonovi mula'wa 'ala'alaina 'wainega bega i vo, 'U 'iseni, side kumanina kebulamu i kiatonovi bega tutuya de'e Yaubada yamu sakona i nuatavunidi wata 'ana vita i 'ewayavuledi.”
8 Nika 'Auvea yana vona a nogai i vo, Aitoi 'ana fata a na vetunei? Aitoi i na nago faifaima?”
A tutula a vo, Yau side. Nuanuaku 'u da vetuneku.”