1 Mulieta 'Auvea i veifufu Mosese 'waineye i vo, 2 'U na veifufu me Isileli 'waidie 'u na vo, Yau 'Auvea yami Yaubada. 3 Kebu me Itifita yadi sauluva 'wa na vetutuyamediga, kumanidiavo bagase taiadi 'wa miamianaga, 'alo bani'odiga me Kenani yadi sauluva, kumanidiavo i miamia 'awalawanina a vagavaimi 'wa nunagoi 'waineye. Kebu yadi sauluva 'wa na vetutuyamediga. 4 Yaku veimea wata yaku awave'eda'eda ma yami ve'ililibu 'wa na vematayakeyakedi, yau 'Auvea yami Yaubada. 5 Nie 9:29; Isi 18:9; 20:11-13; Luk 10:28; Lom 10:5; Gal 3:12'Ai'edi yaku awave'eda'eda wata yaku veimea ma yami ve'ililibu 'wa na vematayakeyakediga mia 'atumaina mogitana 'wa na veluagai. Yau 'Auvea a vona.

6 Kebu tamu dayagimi*'Aila'a mogitana fai dayaga 'aitamogana kebu taiadi i na 'eno. 'Ana kiavemageta Veimea 18 7-18 'waineye i 'eno'eno. mogitana taiadi 'wa na 'enoga bani'odi inamiavo, tamamiavo, taimiavo 'alo tatamiavo, novumiavo, lomoimiavo, avumiavo wata wagamiavo. Yau 'Auvea a vona.

19 Vei 20:18Kebu tamu vavine weta'i i 'ewadiga taiadi 'wa na 'eno, fai vavinenidi yokeyokedi.

20 Vei 20:10Kebu tamu iamu yana vavine taiadi 'wa na 'enoga fai 'wainega taunimu 'u na 'ivesakoimu.

21 Vei 20:1-5Kebu natumiavo 'wa na nikedi 'wa na velomuyedi yaubada vekavekali Moleki 'waineye. Yau yami Yaubada, kebu 'wa na 'ivebunumayagiku wata 'aku wagava kebu 'wa na venani-'avo'avovoyeni. Yau kumaniku 'Auvea.

22 Vei 20:13Kebu tamu tomogo iana iavetana taiadi i na 'enoga. De'e sauluvanina sakona bwaikina, Yaubada i vedumwe'ai'aieni.

23 Sou 22:19; Vei 20:15,16; VeL 27:21Kebu 'aisaya taiadi 'wa na 'enoga bega taunimi 'wa na 'ivesakoimi. Wata bani'odi vavine kebu taunina i na tauyeni 'aisaya iavetana taiadi i na 'eno fai sauluva de'edi sakoiotogina.

24 Kebu de'e sauluvanidi 'waidiega taunimi 'wa na 'ivesakoimi. Tomotoganidi i miamiani 'awalawanidi a na velemiga bani'odi i vevesauluvedi i toke i sakona-magimagi'ai, begaidi tomotoganidi a na 'wavinedi i na souyedi we'e 'omi ma'itufa 'wa na luvaia.”