23
Same de'e Devida i kilumi.
1 'Auvea i 'i'isave'aviniku, bani'odi sifi 'adi to'isave'avina yana sifi i 'i'isave'avinidi
bega kebu tamu ava'ai 'wainega a na ve'ale'usa.
wata i 'e'edakumeseku ufa luluvuala lilivaneye.
3 Yaku toketokena i luluve'ivauya,
wata i 'e'edakumeseku bega yana awave'eda'eda 'waineamo a na nunago,
nika 'wainega 'ana subia i na veveluagai.
4 'Ai'edi vita wata 'eba kololo a na veveluagadiga,
'wa da vo 'awakova dudubala-otogina†Vona Ibeliu tamu 'ana saivila, Wafa 'anununa 'ana 'awakova dududubalina. nageneamo a da lukususuli,
siwe kebu a na kolologa a na tovotovoi fa'alina,
fai 'omu 'Auvea, 'aku 'au mogitana.
'U 'i'ita'ita'ieku wata 'u 'i'iveolooloku.
5 Sakali 'u 'i'idewadewai faifaiku
bega 'u tayetayegiku 'aku gaviavo matadie.
Bunama 'unu'unukuye 'u iwagi,
'aku ve'ililibu 'ana 'eba 'isa.
'Aku vedi 'u veve'alafelefeleni nani 'atumaidi 'waidiega.
6 A 'asetai yamu 'atumaina wata yamu nuakalikali i na 'wea'weabuku,
'aiata 'aitamogana 'aitamogana 'waidie,
bega a na mia-vagata 'Auvea yana 'eba veimea nageneye.