Sekalaia
'Eba kiavemageta
Buki de'e 'waineye i veveifufuga Yaubada nani matatabuna i veveimeyedi. Yana tomotoga i 'i'ibababaledi, i kikiavetoketokedi wata i vevesauluva 'atumaina 'waidie. Yaubada Sekalaia i goleni i na vetolu'ivona faifaina. Yana vala i na lu'ivoneyeni yana tomotoga 'waidie bega i na vetofolova 'waineye kebu i na kolologa, egavo yadi sauluva sakoidi i na vematavulogidi we'e yana tomotoga i na 'ita'ita'iedi.
Sekalaia i vona-samula 'awaie Keliso i na mai faifaina, wata tomotoga i na vedumwe'ai'aieni. Siwe 'awaie Yaubada yana tomotoga i na 'ita'ita'iedi bega i na ve-kini fwayafwaya matatabuna 'waineye.
9
Me Ielusalema yadi kini i na mai
9 Mad 21:5; Ion 12:15'Auvea i vona i vo, Me Saioni,*Saioni, Ielusalema tamu 'ana wagava, we'e mogitana 'awasasanina Yaubada yana Vanuga 'Eba Velu'ui bei i tovotovoi 'wa na toke 'wa na sosoana.
Me Ielusalema bonami bwaikinega 'wa na vegole ma yami sosoana.
'Wa 'iseni, yami Kini i mimai 'waimie,
ma yana veimea wata ma yana toketokena
siwe ma yana nuaobu i dodoga 'aisaya doniki natudi kwavuneye.
10 Same 72:8Salioti†Salioti tamu fwayafwaya 'ana waka, 'aisaya osi i luluyo'ei. 'eba vetalaga a na 'ewayavuledi 'awalawa Isileli 'wainega,
'aisaya osi vetalaga faifaina a na 'ewayavuledi Ielusalema 'wainega,
wata kukua 'eba vetalaga matatabuna a na luvela'ovidi.
Yami kini mia 'atumaina i na mieni tomotoga 'aila'a tulina tulina 'waidie.
Yana 'eba veimea bwaikaotogina, tamu malaveta yana tugusa 'wainega i na velamu i na nagoga tamu malaveta 'ana tugusa 'waineye i na 'ailove.
Ufa Iufiletisi 'wainega i na nago fwayafwaya 'ana 'eba ve'a'ava 'waineye.”