5
Ya꞉su mia꞉nigab a꞉no꞉ dimidalia꞉ga꞉ yasilima꞉no꞉
Nao i, gio꞉ Ya꞉sulo꞉ mia꞉no꞉ ho꞉len o꞉lia꞉ ofa꞉si o꞉lia꞉yo꞉ a꞉na fa꞉la꞉doma꞉ika꞉ a꞉la꞉bo꞉ gimo꞉wo꞉ mo꞉sa꞉sa꞉lima꞉no꞉. Madi 24.42-43, 2Bid 3.10, Kala 3.3Mo꞉wo꞉ Alan e yakiyo꞉, afalo꞉ dian kalu ko꞉lo꞉ nululo꞉ yan au mia꞉ib a꞉la꞉bo꞉, gio꞉ o꞉ma asulufo꞉lab. Madi 24.39, Luk 21.34-35Kaluka꞉isaleya꞉ sa꞉lakiyo꞉, “Nio꞉ hida꞉yo꞉wo꞉ aundo꞉ma, ga꞉li so꞉l,” a꞉la꞉sa꞉la꞉li sen amio꞉, ilo꞉ mogagila꞉ma꞉no꞉wo꞉ wigibole a꞉naka fa꞉la꞉dowaki iligila꞉ma꞉ib ko꞉lo꞉, ga alela꞉sen a꞉ma꞉lo꞉ nagalo꞉ fa꞉la꞉dowan au fa꞉la꞉doma꞉ib ko꞉lo꞉, kaluka꞉isale a꞉no꞉ mada mo꞉yamisuluma꞉ib.
Ko꞉sega nao i, gio꞉ sololiya saba ko꞉lo꞉, ho꞉len a꞉no꞉ fa꞉la꞉dowalikiyo꞉, gio꞉ afalo꞉ dian kalu yab amilo꞉ iligan aumbo꞉ mo꞉iligima꞉ib. Lom 13.12Gio꞉ tambo ho꞉lena꞉ so꞉wa ko꞉lo꞉ ho꞉len usa a꞉lab. Nio꞉ sololi o꞉lia꞉ nulu o꞉lia꞉ma꞉ so꞉wama. A꞉la꞉fo꞉ko꞉lo꞉ kalu nolo꞉ ko꞉lo꞉ alifo꞉lab o꞉leaumbo꞉, nio꞉ mo꞉dimidama꞉niki. Ko꞉sega nio꞉ sikaga siliki, ninina꞉ma꞉la꞉yo꞉ tilidoma꞉niki. Mo꞉wo꞉ alilan o꞉lia꞉ aluna꞉ ho꞉no꞉ nakilo꞉ no꞉nolan man a꞉no꞉lia꞉yo꞉, nulu a꞉na dimidan. Ais 59.17, A꞉fe 6.14,17Ko꞉sega nio꞉ ho꞉lena꞉ so꞉wa ko꞉lo꞉, ninina꞉ma꞉la꞉yo꞉ tilidoma꞉niki. Kaluwa꞉lo꞉ bio꞉ ta꞉lian aumbo꞉, niliyo꞉ nol o꞉lia꞉yo꞉ ha꞉fo꞉ disa꞉laki, tilidabuwo꞉ dinafa ta꞉lia꞉niki. A꞉la꞉ta꞉ga꞉ Gode eyo꞉ nio꞉ hendele gasilia꞉ib ko꞉lo꞉ niliyo꞉ a꞉no꞉ ko꞉lo꞉ asula꞉liki yasilima꞉niki. Kaluwa꞉ misa꞉yo꞉ galalakilo꞉ alo sa꞉ga꞉lan o꞉leaumbo꞉, niliyo꞉ asulo꞉ ko꞉lo꞉ halale ta꞉lia꞉niki. Gode eyo꞉ nio꞉ ene kulufa꞉yo꞉wa꞉lo꞉ falasila꞉ma꞉no꞉ a꞉no꞉ dima꞉ki da꞉feyo꞉ma. Ko꞉sega Gode eyo꞉ nio꞉ gasiliakiyo꞉, Alan Ya꞉su Kelisowa a꞉la꞉ta꞉ga꞉ ene mela꞉no꞉wo꞉ nimo꞉ dima꞉ki da꞉fe alifa꞉. 10  Lom 14.8-9, 1Tes 4.14Nio꞉ o꞉salikiyo꞉lo꞉, sowalikiyo꞉lo꞉ Ya꞉su o꞉lia꞉ mesea꞉kiyo꞉, Ya꞉su e ni asuwa꞉taki sowo꞉. 11 A꞉la꞉fo꞉ko꞉lo꞉ gio꞉ o꞉gdo꞉ dimida꞉lab o꞉leaumbo꞉, gegelebo꞉ asuwa꞉takiyo꞉, asulo꞉wo꞉ halale alita꞉lubi.
Asuluma꞉no꞉ to wido꞉
12 Ni nao i, kaluka꞉isale gilo꞉ halaido꞉ asuwa꞉tab o꞉lia꞉, gili sa꞉s amilo꞉ bo꞉fo꞉lowan o꞉lia꞉, gi ko꞉lo꞉ hagugakilo꞉ digalo꞉ tolo꞉ sa꞉la꞉lab i a꞉no꞉, giliyo꞉ asulaki, a꞉ma꞉ ha꞉ga dowa꞉bi. 13 Iliyo꞉ nanog halaido꞉ dimidabo꞉lo꞉b a꞉la꞉bo꞉, giliyo꞉ dinafa asula꞉sa꞉ga꞉, imo꞉wo꞉ ha꞉fo꞉wo꞉ disa꞉lakiyo꞉, ili ha꞉ga mada dowa꞉bi. A꞉la꞉ta꞉ga꞉ gio꞉ gegelebo꞉ ha꞉sa dowa꞉bi.
14  2Tes 3.6,11Ni nao i, gio꞉ kaluka꞉isale bo꞉sulakilo꞉ sab imo꞉wo꞉ hagugo꞉wo꞉ sa꞉la꞉bi. Kaluka꞉isale tagilakilo꞉ sab i a꞉no꞉ halale alitaki, towo꞉ sa꞉la꞉lubi. Kaluka꞉isale halaido꞉lo꞉ mo꞉sab a꞉no꞉ asuwa꞉ta꞉bi. A꞉la꞉ta꞉ga꞉ kaluka꞉isale tambomo꞉wo꞉ ha꞉sa dowa꞉bi. 15  Lom 12.17, 1Bid 3.9Kaluka꞉isale nolba꞉yo꞉ man mogago꞉lo꞉ dimidab o꞉mo꞉wo꞉ wa꞉deabena꞉ki, gio꞉ ka꞉la꞉lubi. Ho꞉leno꞉ tambo gegelebo꞉lo꞉, ha꞉la꞉ kalumo꞉wo꞉lo꞉, tambo ha꞉fo꞉wo꞉ disa꞉la꞉lubi.
16-17  Fili 4.4Gio꞉ ho꞉leno꞉ tambo sagala꞉lubi. Godemo꞉lo꞉ dulugu sa꞉la꞉i ha꞉na꞉mela꞉no꞉wo꞉ eda꞉so꞉bo. 18  A꞉fe 5.20Gilo꞉ amio꞉ kelego꞉ ko꞉li ko꞉lilo꞉wo꞉ fa꞉la꞉dowalikiyo꞉, Godemo꞉wo꞉ mada o꞉m a꞉la꞉sa꞉la꞉lubi. Gio꞉ Ya꞉su Kelisowa dowo꞉ ko꞉lo꞉, Gode eyo꞉ gio꞉ man o꞉leo꞉ngo꞉wo꞉ ko꞉lo꞉ dimidama꞉ki asulab. 19  A꞉fe 4.30Mamaya꞉lo꞉ nanog dimidama꞉no꞉ a꞉no꞉ de o꞉ngo꞉ ko꞉lo꞉ dalila꞉so꞉bo. 20 Kaluka꞉isale abeyo꞉ Godeya꞉ wiya a꞉la꞉ta꞉ga꞉ dinali sa꞉lalikiyo꞉, gio꞉ to a꞉no꞉ da꞉ba꞉no꞉wo꞉ mo꞉bea꞉so꞉bo. 21-22  1Yo꞉n 4.1To sa꞉lab a꞉no꞉ tambowo꞉ aloba꞉da꞉sa꞉ga꞉, nafa dowab a꞉no꞉ kudu ha꞉naki, man mogago꞉ a꞉no꞉ tambo tinia꞉li ha꞉na꞉lubi.
23  2Tes 3.3Ha꞉salo꞉ dowan Gode eyo꞉ gio꞉ malilo꞉le tambo ta꞉fo꞉ melea꞉ki, dulugu so꞉lo꞉l. Gode eyo꞉ gili mela꞉no꞉ mama o꞉lia꞉ asulo꞉ o꞉lia꞉, a꞉la꞉ta꞉ga꞉ do꞉mo꞉ o꞉lia꞉ma꞉yo꞉ man mogago꞉wo꞉ mo꞉dimidama꞉ki ta꞉fo꞉ ha꞉na꞉la꞉ga꞉, Alan Ya꞉su Kelisolo꞉ yab amio꞉, hala dofo꞉leno꞉ mo꞉bo꞉ba꞉ki, dulugu so꞉lo꞉l. 24 Gode gilo꞉ da꞉fe alita꞉lab a꞉ma꞉yo꞉, ene dinali sio꞉ a꞉no꞉ hendele dimida꞉sen ko꞉lo꞉ eyo꞉ mada dimidama꞉ib.
25  Kolo 4.3, 2Tes 3.1Ni nao i, giliyo꞉ nio꞉ Godemo꞉ dulugu sa꞉la꞉biyo꞉. 26 Gao nol o꞉lia꞉ sagale alitakiyo꞉, ebean aumbo꞉ mimila꞉bi.* Ili man amio꞉, Keliso ao nowo꞉ galilia꞉ga꞉ sagalakiyo꞉, gidan o꞉le a꞉gakiyo꞉, imilise mimilo꞉. A꞉la꞉ta꞉ga꞉ adowo꞉lo꞉ a꞉la꞉dimida꞉sen.
27 Alana꞉ wiya iliki, niyo꞉ to halaido꞉ we gimo꞉ so꞉lo꞉l ko꞉lo꞉, giliyo꞉ mo꞉fo꞉s sa꞉sa꞉lo꞉ we, Keliso kaluka꞉isale tambomo꞉wo꞉ agele mea꞉bi.
28 Nili Alan, Ya꞉su Kelisowa꞉ ene ha꞉fo꞉ disa꞉lan man a꞉no꞉ gi o꞉lia꞉ dowa꞉biyo꞉.

5:2: Madi 24.42-43, 2Bid 3.10, Kala 3.3

5:3: Madi 24.39, Luk 21.34-35

5:5: Lom 13.12

5:8: Ais 59.17, A꞉fe 6.14,17

5:10: Lom 14.8-9, 1Tes 4.14

5:14: 2Tes 3.6,11

5:15: Lom 12.17, 1Bid 3.9

5:16-17: Fili 4.4

5:18: A꞉fe 5.20

5:19: A꞉fe 4.30

5:21-22: 1Yo꞉n 4.1

5:23: 2Tes 3.3

5:25: Kolo 4.3, 2Tes 3.1

*5:26: Ili man amio꞉, Keliso ao nowo꞉ galilia꞉ga꞉ sagalakiyo꞉, gidan o꞉le a꞉gakiyo꞉, imilise mimilo꞉. A꞉la꞉ta꞉ga꞉ adowo꞉lo꞉ a꞉la꞉dimida꞉sen.