1 Madi 13.55,Ilig 15.13, Gala 1.19, 1Bid 1.1Ne Ya꞉ma꞉s, Gode o꞉lia꞉ Ya꞉su Keliso Alan o꞉lia꞉ma꞉ ene madali nanogdo꞉ dian kaluwo꞉ ne. Niyo꞉ mo꞉fo꞉s we, Keliso kaluka꞉isaleyo꞉ so꞉lo꞉ kugula꞉fo꞉*Ya꞉ma꞉s eyo꞉ “so꞉lo꞉ kugula꞉fo꞉” a꞉la꞉do꞉ sio꞉ a꞉no꞉, e Godeya꞉ iasi kaluka꞉isale a꞉no꞉ tambowo꞉ ko꞉lo꞉ sio꞉. alobanaga꞉ta꞉ga꞉lo꞉ hen no amilo꞉ mesa꞉ni ane gimo꞉wo꞉ sagalo꞉ towo꞉ sa꞉sa꞉liga꞉to꞉l.

2-3 Lom 5.3-51Bid 1.7Ni nao i, da꞉feyo꞉ ko꞉li ko꞉lilo꞉ ko꞉lo꞉ gilo꞉ amilo꞉ fa꞉la꞉dowab a꞉ma꞉yo꞉, gili tilidabu a꞉no꞉ anayaki, gio꞉ halaido꞉ kagama꞉kigab. A꞉la꞉bo꞉ gio꞉ asulufo꞉lab ko꞉lo꞉, da꞉fe ba꞉ba꞉ ko꞉li ko꞉lilo꞉ gilo꞉wa fa꞉la꞉dowalikiyo꞉, gio꞉ sagala꞉bi. 4 Gio꞉ halaido꞉ kagata꞉ga꞉ ha꞉na꞉lalikiyo꞉, gili tilidabuwo꞉ ilili alifa꞉ib ko꞉lo꞉, hida꞉yo꞉ a꞉no꞉ giliyo꞉ dia꞉li ha꞉na꞉lubi.

5 Sndn 2.3-6Gi amio꞉ kalu imilise nowo꞉ asugo꞉ nafayo꞉ e amio꞉ aundo꞉ma dowalega, kalu a꞉no꞉ Godemo꞉ dulugu sa꞉la꞉bi. Mo꞉wo꞉ Gode Eyo꞉ mo꞉gadi sa꞉laki, sagala꞉liki modo꞉ a꞉dimia꞉sen ko꞉lo꞉, kalu abeyo꞉ dabu ba꞉dalikiyo꞉, eyo꞉ hendele dia꞉ib. 6 Ko꞉sega Godemo꞉ dabu ba꞉dakiyo꞉, Gode eyo꞉ nemo꞉wo꞉ hendele dimia꞉ib a꞉la꞉tili asulaki dulugu sa꞉la꞉bi. Asulo꞉wo꞉ a꞉la꞉ ilikiyo꞉, dulugu sa꞉la꞉so꞉bo. Mo꞉wo꞉ kalu asulo꞉wo꞉ a꞉la꞉ a꞉lab a꞉no꞉, i hido꞉ ko꞉lo꞉ fufaya꞉ ba꞉lab amilo꞉ dia꞉siano꞉ a꞉ga꞉lab. 7 Kalu o꞉leo꞉ngo꞉ ilikiyo꞉, Alan Eyo꞉ kelego꞉ nowo꞉ kalu emo꞉wo꞉ dimia꞉nigab a꞉la꞉bo꞉ asula꞉so꞉bo. 8 Kalu a꞉no꞉ asulo꞉wo꞉ a꞉la꞉ dowakiyo꞉, elo꞉ man a꞉dimidama꞉no꞉wo꞉ babale doma꞉ib.

9 Keliso kaluka꞉isale kelego꞉lo꞉ma dowab a꞉no꞉ sagala꞉bi, mo꞉wo꞉ Godeya꞉ siwa꞉l amio꞉ iyo꞉ wabulun kaluka꞉isale dowab. 10 Ais 40.6-7Ko꞉sega kaluka꞉isale kelego꞉wo꞉ modo꞉lo꞉ da꞉lab a꞉no꞉ sagala꞉bi, mo꞉wo꞉ Gode eyo꞉ i a꞉no꞉ ha꞉ga doma꞉ki ta꞉fo꞉lab. Mamo ko꞉lo꞉ bo꞉e udu ha꞉nan aumbo꞉, kaluka꞉isale i a꞉no꞉lo꞉ a꞉la꞉ kelegema꞉ib. 11 Hendele, ofo꞉ halaido꞉ ta꞉ndab amio꞉, mamo momado꞉ nafa a꞉no꞉ onaliaki, udufo꞉ tinan. O꞉leaumbo꞉, kaluka꞉isale kelego꞉wo꞉ modo꞉lo꞉ delen a꞉no꞉lo꞉, ene nanog a꞉no꞉ dia꞉li ha꞉na꞉lalikiyo꞉, elo꞉ a꞉la꞉ kelegema꞉ib.

12 Kaluka꞉isale da꞉feyo꞉wo꞉ ba꞉da꞉sa꞉ga꞉lo꞉, Godeya꞉ wi amilo꞉ halale kagayab a꞉no꞉, Gode eyo꞉ i a꞉no꞉ sagale alifa꞉ib. Mo꞉wo꞉ Gode eyo꞉ kaluka꞉isale elo꞉ alan asulab o꞉mo꞉wo꞉ wa꞉lo꞉ dimia꞉no꞉ a꞉la꞉dinali sio꞉ ko꞉lo꞉, da꞉fe ba꞉ba꞉ amio꞉ iyo꞉ halaido꞉ kagayalikiyo꞉, Gode eyo꞉ wa꞉lo꞉ dimiakiyo꞉, mela꞉no꞉ mela꞉no꞉ dimia꞉ib.

13 Kelego꞉ imilig noma꞉yo꞉ Godeyo꞉ mogago꞉ dimidama꞉kiyo꞉ mo꞉sendea꞉sen. A꞉la꞉ta꞉ga꞉ Gode eyo꞉ kaluka꞉isaleyo꞉ mogago꞉ dimidama꞉kiyo꞉, mo꞉dikida꞉sen. A꞉la꞉fo꞉ko꞉lo꞉ gio꞉ man mogago꞉ dimidama꞉no꞉wo꞉ asulalikiyo꞉, “A꞉no꞉ Gode eyo꞉ ne mogago꞉wo꞉ dimidama꞉ki sendeab” a꞉la꞉bo꞉ sa꞉la꞉so꞉bo. 14 Ko꞉sega mogago꞉ dimidama꞉kilo꞉ dikili ba꞉dano꞉ we. Kaluka꞉isaleya꞉ asulo꞉ us amilo꞉ meselan delen a꞉ma꞉ sendelia꞉ga꞉ oga꞉di alita꞉sen. 15 A꞉la꞉ta꞉ga꞉ meselan a꞉ma꞉ fowo꞉, man mogago꞉ dimidama꞉no꞉ a꞉no꞉ ko꞉lo꞉ helema꞉ib. A꞉la꞉fo꞉ko꞉lo꞉ man mogago꞉wo꞉ dimida꞉i ha꞉na꞉la꞉ga꞉ alan dowaliki fo hedakiyo꞉, man mogago꞉ a꞉ma꞉yo꞉ sowano꞉ ko꞉lo꞉ fa꞉la꞉do alifa꞉ib.

16 A꞉la꞉fo꞉ko꞉lo꞉ ni milile, gio꞉ halalo꞉ asulo꞉ a꞉no꞉ kudu ha꞉na꞉so꞉bo. 17 Boba kelego꞉ nafale nilido꞉ diab a꞉no꞉ tambo Godelo꞉wa a꞉la꞉ta꞉ga꞉ yan. Gode eyo꞉ akin amilo꞉ ho꞉len da꞉lab a꞉no꞉ tambo eya a꞉la꞉ta꞉ga꞉ fa꞉la꞉do alifa꞉. Akin amilo꞉ ho꞉len a꞉lab a꞉no꞉ nodola꞉sa꞉ga꞉, sololi fa꞉la꞉dowa꞉sen. Ko꞉sega Gode eneno꞉ e mela꞉no꞉ ko꞉ngo꞉ a꞉lab. 18 Yo꞉n 1.13Gode eyo꞉ enedo꞉ asulab au dimidakiyo꞉, nio꞉ mela꞉no꞉wo꞉ dima꞉ki, to hendele enedo꞉ma꞉ sio꞉ ko꞉lo꞉, nio꞉ ene so꞉wale dowab. A꞉la꞉ta꞉ga꞉ Godeya꞉lo꞉ kelego꞉ tambolo꞉ dimidalifa꞉ a꞉lab us a꞉namio꞉, nio꞉ wa꞉la꞉b ko꞉lo꞉ ta꞉fo꞉.

19 Ni milile, giliyo꞉ to we asula꞉bi. Gio꞉ tambo kalu nolba꞉lo꞉ to sa꞉labo꞉ dinafa da꞉da꞉sa꞉ga꞉, a꞉ma꞉la꞉bo꞉ ha꞉sa sa꞉la꞉bi. A꞉la꞉ta꞉ga꞉ bo꞉bo꞉gebo꞉ gadia꞉so꞉bo. 20 Sav 7.9Mo꞉wo꞉ kaluwa꞉yo꞉ gadialikiyo꞉, man digalo꞉wo꞉ Godeya꞉lo꞉ asulab aumbo꞉ mo꞉dimida꞉sen. 21 Kolo 3.8,1Bid 2.1A꞉la꞉fo꞉ko꞉lo꞉ gio꞉ man mogago꞉ dimidan o꞉lia꞉ mogago꞉ asulo꞉ usamilo꞉ fa꞉la꞉dowa꞉lab a꞉no꞉lia꞉yo꞉ ga꞉lilaki dila꞉bi. Dila꞉sa꞉ga꞉yo꞉ gio꞉ Godeya꞉ ha꞉ga iliki, Godeya꞉ ene to gili kufa꞉ usamilo꞉ dia꞉tab a꞉no꞉ dinafa tilida꞉da꞉bi. To halaido꞉ a꞉ma꞉yo꞉ gio꞉ o꞉li gasilia꞉ib.

22 Madi 7.26,Lom 2.13Giliyo꞉ towo꞉ ba madali da꞉dalega, ginin a꞉ma꞉la꞉ dikidab ko꞉lo꞉ a꞉la꞉bo꞉ dimida꞉so꞉bo. Gio꞉ da꞉da꞉sa꞉ga꞉, dinafa kudu ha꞉na꞉lubi. 23-24 Kalu abeyo꞉ Godeya꞉ towo꞉ da꞉da꞉sa꞉ga꞉lo꞉ mo꞉kudu ha꞉nab a꞉no꞉, kalu ene wo꞉lokano꞉ hewo꞉ amilo꞉ ba꞉ba꞉ o꞉leo꞉ngo꞉ dowab. Kalu a꞉no꞉ ene wo꞉lokano꞉ hewo꞉wa ba꞉da꞉sa꞉ga꞉ ha꞉nakiyo꞉, wigibo a꞉naka ga꞉lila꞉sen. 25 Lom 8.2,Ya꞉m 2.12Ko꞉sega Godeya꞉ ele saefa꞉ to a꞉no꞉ nafale da꞉lab a꞉ma꞉yo꞉ nio꞉ ga꞉li mesea꞉ki ta꞉fo꞉ ko꞉lo꞉, kalu abeyo꞉ to a꞉no꞉ dinafa asulufo꞉likiyo꞉, to elo꞉ da꞉dab a꞉no꞉ mo꞉ga꞉lilaki, eyo꞉ kudu ha꞉na꞉lalega, Gode eyo꞉ e asuwa꞉taki, elo꞉ dimido꞉ a꞉no꞉ nafale a꞉ta꞉fa꞉ib.

26 Song 141.3Kalu abeyo꞉ “Ne Gode hendeleyo꞉ ko꞉lo꞉ kudu ha꞉na꞉sen” a꞉la꞉asula꞉li ko꞉sega, ene mego꞉fo꞉ dinafayo꞉ mo꞉tili dowalega, e enena꞉ma꞉la꞉ dikidab ko꞉lo꞉ ene tilidabu a꞉no꞉ o꞉ngo꞉malo꞉ngo꞉ dowab. 27 Do Godeya꞉ siwa꞉l amio꞉, tilidabuwo꞉ digalo꞉ dowakilo꞉ man hendele dimidama꞉no꞉wo꞉ we. Ga sa꞉ba꞉lo꞉ o꞉lia꞉ dabuso꞉ so꞉wa o꞉lia꞉yo꞉ hida꞉yo꞉ diab amio꞉ dinafa tilidowan. A꞉la꞉ta꞉ga꞉ henfelo꞉ man ko꞉li ko꞉lilo꞉ wema꞉yo꞉ eyamio꞉ heyo꞉wo꞉ mo꞉doma꞉ki, ga꞉li sa꞉sen.