1 Ese 47.1A꞉la꞉ta꞉ga꞉ ma꞉mul kalu a꞉ma꞉yo꞉ mela꞉no꞉ ho꞉no꞉ nemo꞉ widabiki ba꞉ba꞉ amio꞉, ho꞉n a꞉no꞉ go꞉go꞉do꞉le ko꞉lo꞉, Gode o꞉lia꞉ Sibi inso꞉ o꞉lia꞉ma꞉ misa꞉ kalulo꞉ mesa꞉no꞉ fofodo꞉lo꞉ a꞉na a꞉la꞉ta꞉ga꞉ handalowabi ba꞉ba꞉. 2 Mo꞉mo꞉ 2.9,Ese 47.12, Joel 3.18, Sek 14.8Ho꞉n a꞉no꞉ ha꞉nakiyo꞉, amisa꞉na꞉ tog alan ha꞉na꞉sen us a꞉na ane. Ho꞉n anib amio꞉, mela꞉no꞉lo꞉ dimia꞉sen i a꞉no꞉ nowo꞉ nodowa, nowo꞉ nodowa, a꞉la꞉fo꞉lab. I a꞉no꞉ dona imilig us a꞉namio꞉ fowo꞉ ho꞉len kugula꞉fo꞉ a꞉nami hedaki, ele tambo amio꞉ heda꞉lab. A꞉la꞉ta꞉ga꞉ i fo꞉s a꞉ma꞉yo꞉ henfelo꞉ kaluka꞉isaleyo꞉ falele alifelema꞉no꞉ ta꞉fo꞉. 3 A꞉la꞉ta꞉ga꞉ kelego꞉ Godeya꞉lo꞉ mogailakilo꞉ gadi sio꞉ a꞉no꞉ amisa꞉n us a꞉namio꞉ mo꞉doma꞉ib. Gode o꞉lia꞉ Sibi inso꞉ o꞉lia꞉ma꞉ misa꞉ kalulo꞉ mesa꞉no꞉ fofodo꞉ a꞉no꞉ amisa꞉n us a꞉na dowaki, ene nanogdo꞉ dian kaluka꞉isale i a꞉ma꞉yo꞉ e ko꞉lo꞉ dulugu sa꞉la꞉mela꞉ib. 4 Madi 5.8,Kala 3.12Iliyo꞉ Godeyo꞉ misio꞉ ba꞉dakiyo꞉, ene wiyo꞉ ili wo꞉lokana sa꞉sa꞉li alifa꞉ib. 5 Dan 7.18,27,Kala 5.10, 20.6, 21.23,25A꞉la꞉ta꞉ga꞉ a꞉namio꞉ nuluwo꞉ aundo꞉ma dowaki, of o꞉lia꞉ nafa o꞉lia꞉ma꞉ ho꞉wo꞉ nanogo꞉ aundo꞉ma doma꞉ib. Mo꞉wo꞉ Gode Alan E ho꞉lenko꞉ dofo꞉mela꞉ib. A꞉la꞉ta꞉ga꞉ iyo꞉ misa꞉ kalu dowaki mela꞉no꞉ mela꞉ib.

6 Kala 1.1A꞉la꞉fo꞉ko꞉lo꞉ ma꞉mul kalu eyo꞉ nemo꞉ sa꞉lakiyo꞉, “To we mada hendele tilida꞉ba꞉no꞉ dowo꞉ ko꞉lo꞉lab. Mo꞉wo꞉ Gode Alan eyo꞉ ene Mamayo꞉ enedo꞉ dinali sa꞉lan kalumo꞉wo꞉ dimia꞉sen ko꞉lo꞉, Gode imilise eka ene ma꞉mul kaluwo꞉ iliga꞉taki, kelego꞉ ko꞉na꞉malo꞉ fa꞉la꞉doma꞉nigab a꞉no꞉ ko꞉lo꞉ ene nanogdo꞉ dian kaluka꞉isalemo꞉ walama꞉ki iliga꞉fo꞉.”

7 Kala 1.3Ya꞉suwa꞉ sa꞉lakiyo꞉, “Dabuma. Ne ko꞉na꞉ma mia꞉nigo꞉l. Kaluka꞉isale dinali sa꞉lan kaluwa꞉lo꞉ to bugo꞉ wema꞉ usamilo꞉ sa꞉sa꞉lo꞉lo꞉ kudu ha꞉na꞉lab a꞉no꞉, gio꞉ sagale alifa꞉ib” a꞉la꞉sio꞉.

8 Kala 19.10Ne Yo꞉n. To we sa꞉labikiyo꞉ ni dabu, a꞉la꞉ta꞉ga꞉ kelego꞉ we widabikilo꞉ ba꞉ba꞉yo꞉ ne. Niyo꞉ towo꞉ da꞉daki, kelego꞉ a꞉no꞉ ba꞉da꞉sa꞉ga꞉yo꞉, ma꞉mul kalu kelego꞉ nemo꞉lo꞉ wida꞉len a꞉no꞉, niyo꞉ e ko꞉lo꞉ wabuluma꞉no꞉ a꞉la꞉liki, e gido꞉fo꞉ anib a꞉na gulalu asi. 9 Ko꞉sega ma꞉mul kaluwa꞉yo꞉ nemo꞉ sa꞉lakiyo꞉, “Giyo꞉ a꞉la꞉bo꞉ dimida꞉so꞉bo. Godeya꞉ ene nanogdo꞉ dian kalu nowo꞉ ne. Ge o꞉lia꞉ dinali sa꞉lan kalu gao nol o꞉lia꞉, a꞉la꞉ta꞉ga꞉ bugo꞉ wema꞉ usamilo꞉ to sa꞉sa꞉lo꞉lo꞉ kudu ha꞉na꞉lab kaluka꞉isale a꞉no꞉lia꞉yo꞉, nio꞉ tambo Godeya꞉ ene nanogdo꞉ dian kaluwo꞉ dowo꞉ ko꞉lo꞉, giyo꞉ Godeko꞉ wabuluma!”

10 A꞉la꞉ta꞉ga꞉ ma꞉mul kaluwa꞉yo꞉ nemo꞉ a꞉sa꞉lakiyo꞉, “Bugo꞉ wenamilo꞉ dinali sio꞉ to a꞉no꞉, giyo꞉ wo꞉no꞉lebo꞉ dia꞉ ta꞉so꞉bo. Mo꞉wo꞉ kelego꞉ ko꞉li ko꞉lilo꞉ fa꞉la꞉doma꞉no꞉ a꞉no꞉ ko꞉na꞉ma dowab. 11 Dan 12.10Kalu abeyo꞉ man mogago꞉lelo꞉ dimida꞉lab a꞉no꞉, e mogago꞉le ko꞉ dimidama꞉ki ta꞉ta꞉bi. Kalu abeyo꞉ asulo꞉wo꞉ mogago꞉lelo꞉ dowab a꞉no꞉, e mogago꞉le a꞉no꞉ko꞉ dimida꞉mela꞉ib. A꞉la꞉ta꞉ga꞉ kalu abeyo꞉ man digalo꞉lelo꞉ dimida꞉lab a꞉no꞉, e digalo꞉le a꞉no꞉ko꞉ dimida꞉mela꞉ib. Kalu abeyo꞉ malilo꞉lo꞉ dowab a꞉no꞉, e malilo꞉le a꞉no꞉ko꞉ dofo꞉mela꞉ib.”

12 Ais 40.10,Jer 17.10, Kala 2.23A꞉la꞉ta꞉ga꞉ Ya꞉su eyo꞉ a꞉la꞉sio꞉, “Dabuma! Ne ko꞉na꞉ma mia꞉nigo꞉l. Ne yakiyo꞉, gimo꞉wo꞉ wa꞉lo꞉ dimiakiyo꞉, kaluka꞉isale inido꞉ man dimida꞉len aumbo꞉, niyo꞉ wa꞉lo꞉ ina꞉lile dimia꞉no꞉. 13 Ais 44.6,Kala 1.8,17, 21.6Tamindeyo꞉ ne, a꞉la꞉ta꞉ga꞉ tifo꞉lo꞉ ne. Mo꞉mo꞉do꞉wo꞉lo꞉ ne, a꞉la꞉ta꞉ga꞉ elema꞉no꞉wo꞉lo꞉ ne.”

14 Mo꞉mo꞉ 2.9,3.22Kaluka꞉isale helebeso꞉gdo꞉ to꞉go꞉do꞉ a꞉no꞉ niyo꞉ gio꞉ sagale alifa꞉no꞉. Gio꞉ amisa꞉n amilo꞉ tog alan us a꞉na tina꞉sa꞉ga꞉, mela꞉no꞉lo꞉ dimia꞉sen i fo a꞉no꞉ o꞉li ka tula꞉sa꞉ga꞉ ma꞉ib. 15 Kalu fofalo꞉ dimida꞉labo꞉, uwo꞉lo꞉ dia꞉labo꞉, kalulo꞉ sana sowa꞉labo꞉, madali godelo꞉ wabulu sa꞉la꞉labo꞉, madali dikili sa꞉lakilo꞉ man a꞉no꞉lo꞉ asula꞉sa꞉ga꞉lo꞉ kudu ha꞉na꞉lab i a꞉no꞉lo꞉ tambo gasayo꞉ o꞉ngo꞉ dowo꞉ ko꞉lo꞉, iyo꞉ amisa꞉n us a꞉namio꞉ mo꞉tinaki, ha꞉la꞉ya mesa꞉ib.

16 Nam 24.17,Ais 11.1,10, Lom 1.3, Kala 2.28, 5.5“Ne Ya꞉su, niyo꞉ to we sa꞉s kaluka꞉isale gimo꞉ sama꞉ki, ninin ma꞉mul kaluwo꞉ gilo꞉wa iliga꞉fo꞉. Ne Da꞉ibida꞉ eso꞉lo꞉wa a꞉la꞉ta꞉ga꞉lo꞉ fa꞉la꞉dowo꞉wo꞉ ne. A꞉la꞉ta꞉ga꞉ ne Belemu kea꞉folo꞉wo꞉ ne.”

17 Ais 55.1,Kala 21.6Godeya꞉ Mama o꞉lia꞉ Sibi inso꞉wa꞉ ene ga o꞉lia꞉ma꞉ sa꞉lakiyo꞉, “Mena!” Kaluka꞉isale abeyo꞉ to welo꞉ tilida꞉dab a꞉ma꞉yo꞉lo꞉, “Mena!” a꞉la꞉sama. Kaluka꞉isale abeyo꞉ ho꞉n maiyo꞉lo꞉ dowab gio꞉ mena. Kaluka꞉isale abeyo꞉ mela꞉no꞉ ho꞉ndo꞉ asulab gio꞉ madali dima.

18 Lo 4.2,12.32Kaluka꞉isale dinali sio꞉ to welo꞉ dabu a꞉no꞉, niyo꞉ hagugo꞉ to we gimo꞉wo꞉ a꞉la꞉so꞉lo꞉l, “Kaluka꞉isale abeyo꞉ to wenamio꞉ to nowo꞉ wa꞉l amio꞉ a꞉balitalega, hida꞉yo꞉ bugo꞉ wema꞉lo꞉ wala sio꞉ a꞉no꞉ Gode eyo꞉ emo꞉ dima꞉ki ta꞉fa꞉ib. 19 Kaluka꞉isale abeyo꞉ to wenamilo꞉ sio꞉ a꞉no꞉ nolo꞉ dilalega, Gode eyo꞉ mela꞉no꞉ i fo emo꞉lo꞉ dimia꞉no꞉ dowo꞉ a꞉no꞉ a꞉ma꞉la꞉ asulia꞉ib.” A꞉la꞉ta꞉ga꞉ Gode eyo꞉ kaluka꞉isale i a꞉no꞉ amisa꞉n malilo꞉ us a꞉namio꞉ mo꞉timana꞉ki ka꞉ma꞉ib.

20 Madi 24.30-31,1Kol 16.22Kalu to we hendeleka꞉ a꞉la꞉likilo꞉ kalab amilo꞉ wida꞉len a꞉ma꞉ sa꞉lakiyo꞉, “A꞉ ne ko꞉na꞉ma mia꞉nigo꞉l.”

Hendele! Ya꞉su Alan ge mena. 21 Ya꞉su Alana꞉ ene kanulan man a꞉no꞉ Godeya꞉ ene kaluka꞉isale gi o꞉lia꞉ dowa꞉biyo꞉. Hendeleyo꞉ o꞉m.