4
Timoti in Rakrakai na Fafas ini Orek ke God
Na mata God ke Karisito Iesu ae in nagogon fanu ae ri liu ke foron minet ma ae in tapiek ini matanfuntih kia, ia ta rakrakai na orek igii usuf o: Fafas ini orek ke God. On geges isi fafas na foron aunbiing tikii, taftawa ri ier isi ongen u le biil. On fatortores ri, ok fakiing ri ke ok farakrakai ri. Ma on tel u ini sinangun fofo ke ok fausum fakasi ri. Wara le nenge aunbiing in tapiek ae fanu rin soke ufu fafausum ae i tekentu ma rik mi na wolwol kiri tom ke rik lame turim in fuun e tom fafausum usuf ri, isi rik fausum ri ini sani ae balbalu ri i kah isi ongen u. Rin piis kale balbalu ri koseng tekentu ma rik somangat pes foron titiipapah foes. Isau le wo, in poh e wolwol kiam na foron aunbiing tikii. On tifat aunbiing o tafe tatawin, on rakrakai na fafas ini Rokap na Fafas ke ok tel fasuut foron foim tikii ae God i ta ta u usuf o.
Wara le fatat ian met ma liu kiak in arae wain ae ri to u na olon tunmapek usuf God. Ia ka fapaket ta na rokap na fapaket ke ia ka filau ta una farfarop ma ia ka posefat ta na unune kiak. Ma igii, God ka geges ta ini fifiil kiak. Fifiil ae, i e bangbang ae i fakileng u le ia tortores na mata. Kumguui tom tel tortores na nagogon, in ta u usuf iau na biingen paipaifis kia. Ma biil usuf iau sau, biil. In ta u sabin usuf fanu tikii ae ri lala ier isi par paipaifis kia.
On rakrakai tom isi ok la sape unaisang, 10  Kolosi 4:14; Pilimon 1:24; 2Korin 8:23; Galatia 2:3; Taitus 1:4wara le Demas ka la koseng ta iau. I ier kanaka isi sinang tina piklinbat, ke ka la ta una Tesalonika. Kresens ka la una falifu na Galatia, ke Taitus ka la ta una falifu na Dalmatia. 11  Kolosi 4:10,14; Pilimon 1:24; Aposel 12:12,25; 13:13; 15:37-39 Luk keskes sau igii naisang. On telpes Mak isi kamuk la ugapiek, wara le ifasi in lupes iau na foim kiak. 12  Aposel 20:4; Efeses 6:21,22; Kolosi 4:7,8Ia ka wuun ufu ta Tikikus una Efeses. 13  Aposel 20:6Aunbiing on la ugapiek, kep dolon kaen kiak ae ia luun ufu ta na fel ke Karpus, ae na Troas. Kep foron buk kiak sabin ma gong o ruruu ta na fal ae ri tel u ini punun sipsip.
14  1Timoti 1:20; BukSong 62:12; Rom 2:6Aleksenda, ae i tel foron tier la ini aen, i tel ta ifuun e sinang laulau ulo iau. Isau le sani i tel ta u, Kumguui tom in kiliis u. 15 O sabin on tumarang lo, wara le i lala rakrakai isi tikale foron fafausum kirer.
16 Na aunbiing famu ae ia ti ta na nagogon, biil tikas i tibel ta iau, ri tikii ri fin koseng iau. Ia sising le God gong i kiliis sinangu ri. 17 Isau le Kumguui i ti turang ke ka farakrakai iau, isi iak tel fasuut foim na fafas ini Rokap na Fafas, isi fanu tikii ae biil ri fan Iudaia rik ongen u. Aunbiing ri ier ta isi siimete iau, Kumguui tom i faliu iau. 18 Kumguui in faliu iau koseng foron sinang laulau ae fanu rin tel u ulo iau ke ik filange fakasi iau na matanfuntih kia bae na kukulii. Fitliu keren ta memeh usuf i. Amen.
Farfarop na Orek an Famais
19  Aposel 18:2; 2Timoti 1:16,17Ta orek an famais kiak usuf Prisila ru e Akuila turan fanu tikii ae na fel ke Onesiforus. 20  Aposel 19:22; 20:4; 21:29; Rom 16:23Erastus i melmel na Korin, ma ia ka la koseng Trofimus, i sasem na Miletus. 21 On rakrakai tom isi tapiek sape aga, famu na foron funiil ae falifu i mir la. Ebulus, Puden, Linus ke Klodia turan foron tuamlik tikii na asa Iesu, ri ta orek an famais kiri usuf o.
22 Kumguui in kiis na tanwam. Famais ke God usuf gam.

4:10: Kolosi 4:14; Pilimon 1:24; 2Korin 8:23; Galatia 2:3; Taitus 1:4

4:11: Kolosi 4:10,14; Pilimon 1:24; Aposel 12:12,25; 13:13; 15:37-39

4:12: Aposel 20:4; Efeses 6:21,22; Kolosi 4:7,8

4:13: Aposel 20:6

4:14: 1Timoti 1:20; BukSong 62:12; Rom 2:6

4:19: Aposel 18:2; 2Timoti 1:16,17

4:20: Aposel 19:22; 20:4; 21:29; Rom 16:23