IBRU
Gigirum Me Ibru Igiyawa Munan Tenewa
1
Usiwa Me Painauvit Aneya Me Mina Onan
Watavit ampa God me isimuranaiwa gumbo wane. Propeta gumbo kum obiren di, sira ebu obiren gumbe wane. Jon 1:3Kum gare oieba apa, Usiwa gumbe did nunne. God ane Usiwa me dividivi undag wadnewa me kwan autan oya. Usiwa gumbe dividivi undag piyuwawa ge kwiminauwa undag waramne. Jon 14:9; 1Ko 1:20; Ibr 8:1Usiwa me God eyawa esinewa, me God anoanowawa irayauyau. Gae yusipamit gumbe dividivi undag waramnewa amaraivi. Me wait ane kukaeba muinne, yusipama painauvitwa yutanwa apa yan wakene. Pir 2:9Usiwa me iviwa oraiwa kwan aune, aneya mina onan. Mame mina, me ane oraivitwa, aneya mina onan.
2Sm 7:14; 1Kr 17:13; Sam 2:7; Apa 13:33God me aneya ambuwa gumbe mameib wane?
“Ge ne Utunwa. Gare ge ne barau genna.”
Sira,
“Ne me Mamaven atna. Me ne Utunwa ape.”
Deu 32:43; Rom 8:29Sira God usiwa namuirenwa baraune onnewa kumiwa apa, me mamaib wane,
“God aneyaeba mu Usiwa waiya waiya atanit di.”
Sam 104:4Sira aneya oya mamaib wane,
“God ane aneya taig mina,
sira ane nau eme igiyawa iyam meru mina.”
Sam 45:6-7Usiwa oya me mamaib wane,
“God, ge kin seyaeba auwawa viripusiwa onan.
Ano oraiwa tutuwawa me Ge toimuwagwa tutuwawa.
Ge oraiwa baigan ege. Ge ano kukaeba topai ege.
Meoya God, God geuma me ge painau barau genne,
aigo geuma mu mina onan.
Ge waribiya gennewa me degadega oira kadnawa gumbe.”
10  Sam 102:25-27Sira wane,
“Ayapan, ge namuiren piyu amatowanawa.
Kwimin me mina ge nanigap warana.
11 Dividivi undag mame matai onanape.
Megara ge meib di wakeigima viripusiwa onan.
Dividivi undag matai enwape mina kukai mutpe.
12 Ge dividivi mame matai wape yobutataewa mina panatpewa,
Dividivi mame matai wape mina tobiyape.
Megara ge gembo den tobiya, sira ge bairawan geuma oieba onan.”
13  Sam 110:1Aneya me ambuwa gumbe God mamaib watavit wane?
“Ge ne nanin yutanwa gumbe yan wakeya.
Ne matai atna, anavi geuma ge amagwa egave emtanwa ape.”
14  Sam 34:7; 91:11Aneya undag mu guwowa mu upeba munan nau emewa. God me aneya tene onamiyawa, waita kwanawa aupe igiyawa nau mumawa atan oya.

1:2: Jon 1:3

1:3: Jon 14:9; 1Ko 1:20; Ibr 8:1

1:4: Pir 2:9

1:5: 2Sm 7:14; 1Kr 17:13; Sam 2:7; Apa 13:33

1:6: Deu 32:43; Rom 8:29

1:7: Sam 104:4

1:8: Sam 45:6-7

1:10: Sam 102:25-27

1:13: Sam 110:1

1:14: Sam 34:7; 91:11