20
Kairuwana asi 10
Damanina ba God pipiya nikosi wona ereonowasi i sisiyana.
 
“Yauku Bada ami God Egypt kupurinai patuma saibirina kamonai ai yawasimi.
Komi kega god mutusi kona bopepetisi. Yauku ikesiku wata.
Komi kega tarabibisaka kairavim, kana kinana bage sawara kesana kaidamonai, kona dobu ai, kona okowai, kona tano gaburinai, kona tasi. Komi kega kosi kona ruduneyisi, kona kosi kona pepetisi kairavina Yauku Bada ami God nuwanuwa rauwiku, ba pipiya iyabosi te bi sinikikiyiku wai, tamatamasi asi saroba ini garubona natunatusi kurisi, ba wawasi ba ini garubona tuputupusi, ba nosinosisi kurisi. Saba iyabosi tebi nuwayauyauniku ba au kairuwana te bosisireyei wai au nuwayauyauna kurisi ina nae bonabona, kimta ba ku kimta kesana ba ina madamana.* Exodus 34:6,7; Deuteronomy 7:9,10
Kau waba kega kona kaobibisakei kairavina Yauku Bada ami God, ba kotoi wata kau waba ina kaobibisakei wai saroba ina yauni.
Au Sabath marana ko nota kikisi ba ko bokuwayei.* Exodus 16:23-30 Taparoro kesana kamonai kao 6 ami saibira kona wosei, 10 saba kao kana bi 7 wai biyakam kaona bibigairenina, Bada ami God kairavina. Kona kaonai wai kega kotoi ina saibira, kega kom, kona natunatum, kona am saibisaibirina, kona am aba payapaya, kona kam wagawaga i botu yabata ko mamana wai. 11 Kairavina Bada ami God kao 6 kamonai wai sapama ba dobu, enaga ba awaika ereonowasi kamosi yai i wose, ba kao kana bi 7 kamonai wai i yakam. Kona kairavina i gaireni ba i bosairei kata kona kaobaisiyena.* Genesis 2:1-3
12 Tamam ba sinam kuna bokuwayisi,* Matthew 15:4, 19:19; Mark 7:10; Ephesians 6:2 wai Bada am God yawasa niko dobu ai e bereberimi wai kuna mana ina veoroma.* Ephesians 6:3
13 Kom kega kuna kasibunuwa.* Genesis 9:6; Matthew 5:21
14 Kom kega kuna rukaipara.* Matthew 5:27; James 2:11
15 Kom kega kuna pisikara.
16 Kom kega maturam kuni sisiyena kwarumei.* Exodus 23:1; Matthew 19:18; Mark 10:19; Luke 18:20
17 Kom kega maturam ana yove, kuna kita kirorowei; kega maturam kaowana kuna kita kirorowei, kona ana aba saibisaibira sebare kona wasike, kona ana aba payapayaya, kona ana sawara kesana kuna kita kirorowei.”* Romans 7:7, 13:9

*20:6: Exodus 34:6,7; Deuteronomy 7:9,10

*20:8: Exodus 16:23-30

*20:11: Genesis 2:1-3

*20:12: Matthew 15:4, 19:19; Mark 7:10; Ephesians 6:2

*20:12: Ephesians 6:3

*20:13: Genesis 9:6; Matthew 5:21

*20:14: Matthew 5:27; James 2:11

*20:16: Exodus 23:1; Matthew 19:18; Mark 10:19; Luke 18:20

*20:17: Romans 7:7, 13:9