5
Kolomongo Awili 5-6selo: KIRASINI OLIO ‘KA ULKENA MELE NAA PEKO WE MOLANGI.’ NILIMO KINIE MINI KAKE TELIMUNI OLIO AULKENA PUPU TELEMOLO MELE LIPE SUMBI SIRIMU; OLIO YEMBOMA LIPU TAPONDOPO TEPO KONDOLEMOLOLA, AKUMENGA UNGU MARE
5:1-15 Olio Meltene Pipi Sipe Naa Nokopili Paa We Molemolo Mele ‘Aku Sipu We Molamili. Meltene Altopa Nokopa Ka Naa Sipili.’ Nimbu Mimi Sipu Kanopo Molamili Ungu Te
1 ⸤Ka-kongono naa tepa we molorumu ambomonga ambolangoma molemolomonga pulumu isipe:⸥*inie yakondo 4:31. ‘⸤Mosisini ou ungu mane sirimumene olio naa nokopili.⸥ We kapola molangi.’ nimbe Kirasini olio wendo lsimu. Akumunge ‘Meltene altopa naa ambolopili; meltenga kendemande yemboma naa molopo, we mindi molamili.’ ningu tondolo munduku molangi.
2 Nanga ungume paa piliengi! Na Pollone enondo nimbondo: Eno ⸤Kirasinge yema⸥ enonga kangi te ‘kopisiku wendo lindengi!’ ningi liemo†bokumunge alsena anjokondo “18. katim skin”. Kirasini ⸤‘yembomanga’ nimbe lipe tapondorumu ulumuni⸥ eno wallo-kolte kepe paa uluri manda naa temba. 3 Altopo yemando pali sumbi sipu nikiru: ‘⸤Pulu Yemone na kanopa peanga kanopili kene⸥ kangi te kopisindengi.’ ninge yema ⸤Mosisini⸥ ungu mane sirimumene pali nokomba. ‘Kangi te kopisiengi.’ nilimo ungu manemo pilku liku telemele yemane kanu ungu manema pali pilku tenge aulkemo akisinge.‡inie yakondo 3:10, Romo 2:25, Jemisi 2:10. 4 Eno ⸤Kirasinge Gallesia yembomanga yembo mare⸥ ‘Pulu Yemone olio kanopalie olionga ulu pulu kerime siye kolopa, ‘konopu sumbi nimbe peli yemboma’ nimbe kanopili.’ ningu§inie yakondo 2:16, 3:11, Romo 3:20. ⸤Mosisini⸥ ungu mane sirimume*18 bokumunge alsena anjokondo “26. lo”. pilku liku telemele yemboma Kirasi munduku siye kolko, yu-kinie telune moloringi aulkemo pipi siringi; Pulu Yemone yemboma we kondo kolemo ulumuni eno naa nokolemo. 5 Nalo ‘⸤Mosisini ungu mane sirimumene manda naa lipe tapondomba.’ nilimolo yemboma,⸥ Mini Kake Telimuni “Sike’ nimbu tondolo mundupu pilimolo ulumu tondolo pupili.’ nilimomonga ‘pe yembo sumbi nilime sike molomolo.’ nimbu konopu sipu nokopo molemolo.†bokumunge alsena anjokondo “8. bilip”, “45. stretpela man”. 6 Kirasi Yesusi kinie tapu topo molemolo kinie yemboma kangi te kopisilimele molo kangi te naa kopisilimele aku ulumene uluri naa telemo. ⸤‘Yu sike olionga lipe tapondolimu.’ ningu⸥ tondolo munduku pilkulie yemboma konopu mondolemele ulu kanumu mindi sike tondolo te pelemo.‡Ou Korini 7:19.
7 ⸤‘Mele kalolimu liemili.’ ningu⸥ kere-kuru liku lkisiku kondoringi.§ungu pulu te Ou Korini 9:24-27 Ungumu*. Pe kinié yembo nawene omba eno ⸤Kirasinge⸥ ungu sikemo pilku liku telemele aulkemo pipi silimoye? 8 Nawene eno kondi topa “Ungu sikemo munduku siye kolangi.” nimuye? Kinié eno konopuni pilimele ulu akumu ‘Nanga yemboma molangi waa.’ nimbe walsilimo ⸤Pulu⸥ Yemone*inie yakondo 1:6,15. ‘Aku siku piliengi!’ naa nilimo. 9 ⸤Pilieme! Ungu iko toko⸥
“Pillawa akoli mele isi
pillawana mundukulie pillawa telemele kinie
isi paa wallo koltene pillawa awisili akolemo.”†ungu pulu te Ou Korini 5:6*; bokumunge alsena anjokondo “49. yis” kananila.
⸤nilimele kanumu. Eno kondi tolemo ye kolo tolimu aku sipe telemo. Yu eno-kinie molemomonga eno awisili yunge ungumu lombili pulimela.⸥ 10 ⸤Nalo⸥ eno sike tenge mele tondolo mundupu pilkiru. Awilimu kinie tapu topo molemolomonga yuni eno lipe tapondomba kinie nane ou ungu sikemo nimbu sirindu ungume ‘Sike.’ ningulie ‘ungu te lupe konopu kimbu naa singe.’ nimbu tondolo mundupu pilkiru. Ye tene eno tepa embambo sipe kondi tolemo akumu nawenje, na naa pilkiru nalo aku telemomonga sike mele kaloli kerimu limbe.
11 Angokeme, ‘Pollone “Kangi te kopisiengi!” nilimo.’ nilimele mele sike aku sipu nane nilio liemo nambemune ⸤Juda yembomane⸥ na mindili silimeleye? ⸤Aku sipu nilkenje na mindili silimele aulke te naa lelka.⸥ Aku sipu nilkenje ⸤Kirasi⸥ unjo perana ⸤olionga nimbe kolondorumu mele nimbu silio⸥ ungu akumu pilkulie ⸤Juda yembomane⸥ pilku keri pilku ⸤na umbune te naa silimela⸥.‡Romo 9:32-33, Ou Korini 1:18,22-23. 12 ‘Kanu yemane eno ningu embambo siku “⸤‘Pulu Yemonga yemboma molangi.’ ningu kangi te kopisiku wendo liengi.”⸥ nilimele yemane enonga kangi te kopisikulie enonga láka kamu tolemelanje papu.’ konopu lekero.
13 Nanga angokeme, Pulu Yemone ‘Ungu mane tene eno nokopa umbune te naa sipe eno naa ambolopili paa we molangi.’ sike ou nimbe eno mako torumu nalo pe enone ningendo: ‘Kapola, ungu mane tene olio naa nokolemo, we molemolo kene ou-we-konopumene§bokumunge alsena anjokondo “29. olpela bel”. ulu pilkimulu mele teamili.’ ningu ulu pulu kerime naa teangi. ‘Ungu mane tene olio naa nokolemo.’ ningu eno enono anjo yando konopu mondoko enono anjo yando liku tapondoko kongono tendangi.*Romo 6:1-2, Ou Pita 2:16. 14 Mosisini ungu mane sirimu pelemomanga pali ungu mane telumuni lipe tere lemo, akumu isipe:
‘Enono yu-mele-mele konopu mondoko,
enonga kangime enono kondo kolko nokolemele mele
aku sikula pulu lemo yemboma
konopu mondoko nokoko molangi.’
nimbe pelemo ungu manemo.†Mateyu 5:43*. 15 Nalo enone enono anjo yando irinele teko mumindili kolko kerepale ningu, aku teliku pungi liemo ‘Aku temolomonga olio pali molopo kenjimolo.’ ningu, pilku kondoko molangi.
5:16-26 Yemboma Pulu Yemonga Minimuni Ambolemo Kinie Telemele Ulume Kinie, Ou-We-Konopumene Pilku Telemele Ulume Kinie, Kanu Ulumenga Ungu Te‡Romo 13:12-14.
16-17 Akumunge nane enondo mane sipulie paa isipu nikiru: Enonga ou-we-konopumene konopu mondolemele ulumene Mini ⸤Kake Teli⸥ mu topa manie mundumbe telemola; Minimuni ou-we-konopume topa manie mundumbela telemo kene ‘Mini ⸤konopune molemo⸥ mone olio ambolopili.’ ningu molko, yunge ungume pilku, yuni “Teaa.” nilimo mele pilku liku teko molayo. Aku tekolie enonga ou-we-konopumene pilku konopu mondoko telemele ulume altoko paa manda naa tenge. Elone ‘Iyembomo na pilipe molopili.’ ningu kere-kuru limbelemonga enone ‘Teamili.’ konopu lemele mele manda naa telemele kene ‘Minimu olio ambolopili.’ ningu, yunge ungume mindi pilku liku teko molangi. 18 Nalo Minimuni eno ambolemo, yuni nilimo ungume pilku liku teko molongi liemo ⸤Mosisini⸥ ungu mane sirimumene eno ka sipe mindili sipe naa nokolemo.§Romo 6:14, 8:14.
19 We-konopu-oumene pilku ulu telemelema eno pilimele. Yembomane we-konopu-oumene pilku ulu telemele ulume isipe:
Wa ulu kerinele teko,
ambo yema anjo yando kanoko konopu mondoko
‘ulu te teamili.’ ningu konopu kimbú siku,
amboma kinie yema kinie
ulu kerime mindi teliku andoko,
aku siku telemele ulume kinie;
20 ‘Imelema olionga pulu yema.’ ningu
akume anjiku popo toko kalko kuru koyoko,*bokumunge alsena anjokondo “13. god giaman”.
ala toko pindu toko,
‘Yembo topo kondamili.’ ningu meambu liku
tomo ambolko kuru koyoko telemele,
aku siku telemele ulume kinie;
yemboma kinie konopu keri panjiku,
opa pulue molko, irinele teko,
‘Nanga melema nanu ambolambo. Yembo lupemane
naa liengi!’ ningu paa ambolko kondoko,
mumindili kolko,
‘Na mindi tepo kondopo, molopo kondolio.’ konopu leko,
yembo lupemane telemele mele alieli kanoko keri kanoko
“Teko kenjikinu.” ningu iri toko,
yemboma-kinie ‘Kapola kapola naa molopo konopu
telune pupili naa molamili.’ ningu sungu siku,
21 yembo lupema molemele mele kepe enonga melema
yama mengo ‘Eno malo.’ konopu leko,
aku siku telemele ulume kinie;
no tondolo awisili nongo kekelepa toko,
maku toko no tondoloma nongo kekelepa tokolie
ungu kerime ningu konana kerime ningu
ulu kerime teko molko,
aku siku telemele ulume kinie.
Ulu keri lupe lupe telemelema we-konopu-oumene pilkulie telemele. Eno ou liepi-liepi torundu mele kelepo altopo liepi-liepi tokoro: aku siku teko molemele yemboma Pulu Yemo ye nomi kingi molopa nokolemo koleana†bokumunge alsena anjokondo “23. kingdom”. naa puku yunge melema naa linge.‡Mako 7:20-23, Romo 1:26-31, Ou Korini 6:9-10, Epesasi 4:31, 5:5, Kollosi 3:8-10, Lipe Ora Sirimu 21:8, 22:15.
22 Nalo Mini ⸤Kake Teli⸥ muni konopune molopa ambolemo yembomane ulu telemelema isipe:
Yemboma konopu mondoko,
konopu siku molko,
konopu pe nipili taka liku molko,
ólo áme topili molko,
yemboma kondo kolko liku tapondoko,
yembo melema molo tolemoma
liku tapondoko melema siku,
ulu sikema mindi sumbi siku teko,
23 yemboma-kinie kara naa puku
andiki teko taka liku molko,
‘Ou-we-konopuni pilierindu mele paa naa pilimbo.’
ningu munduku siye kolko taka liku molko,
ulu peanga akume teko molemele. Ulu peanga aku sipema ‘naa teangi.’ nimbe ungu mane te paa naa pelemo.§Romo 5:1-5, Ou Korini 6:11, Pe Korini 6:6, Epesasi 4:2-3,32, 5:9, Kollosi 3:12-15, Pe Pita 1:5-8.
24 Yesusi Kirasinge yembo molemelemane enonga ou-we-konopume ‘Kamu kolopa manie pupili.’ ningu koronga unjo perana uku toko panjeringi kinie kanu konopumene waka lemo ulume kinie, konopu mondoko ‘Paa teamili’ nilimele ulume kinie, akume pali unjo perana uku toringila.*Romo 6:6-7,11-12, Ou Pita 2:11. ⸤Unjo perana uku toko panjeringimunge kinié altoko ou-we-konopumene pilku ulu pulu keri akume tenge aulke te naa lemo.⸥
25 Minimuni olio konde molopa kondoli ulu pulumu silimo kene yuni ‘Teko molangi.’ nilimo mele pilipu lipu tepo molamili. 26 Oliolio olionga imbime we lipu ola naa mundupu, olionga yembomanga te ‘Mumindili kolopili.’ nimbu anjo yando konopu naa lepo, yembo lupemanga melema kinie ulume kinie yama membo ‘Eno malo!’ nimbu konopu anjo yando naa leamili.
*5:1: inie yakondo 4:31.
†5:2: bokumunge alsena anjokondo “18. katim skin”.
‡5:3: inie yakondo 3:10, Romo 2:25, Jemisi 2:10.
§5:4: inie yakondo 2:16, 3:11, Romo 3:20.
*5:4: 18 bokumunge alsena anjokondo “26. lo”.
†5:5: bokumunge alsena anjokondo “8. bilip”, “45. stretpela man”.
‡5:6: Ou Korini 7:19.
§5:7: ungu pulu te Ou Korini 9:24-27 Ungumu*.
*5:8: inie yakondo 1:6,15.
†5:9: ungu pulu te Ou Korini 5:6*; bokumunge alsena anjokondo “49. yis” kananila.
‡5:11: Romo 9:32-33, Ou Korini 1:18,22-23.
§5:13: bokumunge alsena anjokondo “29. olpela bel”.
*5:13: Romo 6:1-2, Ou Pita 2:16.
†5:14: Mateyu 5:43*.
*5:20: bokumunge alsena anjokondo “13. god giaman”.
†5:21: bokumunge alsena anjokondo “23. kingdom”.
‡5:21: Mako 7:20-23, Romo 1:26-31, Ou Korini 6:9-10, Epesasi 4:31, 5:5, Kollosi 3:8-10, Lipe Ora Sirimu 21:8, 22:15.
§5:23: Romo 5:1-5, Ou Korini 6:11, Pe Korini 6:6, Epesasi 4:2-3,32, 5:9, Kollosi 3:12-15, Pe Pita 1:5-8.
*5:24: Romo 6:6-7,11-12, Ou Pita 2:11.