18
18:1-14 Yemboma Ambolango Mele Molongemonga Ungu Mare*akumunge 18:1-5 Mako 9:33-37, LLuku 9:46-48, Mateyu inie 19:13-15, ungu pulu talo LLuku 22:24-27, Jono 13:12-17; 18:6-7 LLuku 17:2,1; 18:6-9 Mako 9:42-48; 18:8-9 inie yandopa 5:9,8; 18:11 LLuku 19:10; 18:12-14 LLuku 15:4-7.
18:1-5 Pulu Yemone Ye Nomi Kingimu Molopa Nokolemo Yembomanga Yembo Paa Imbi Olandopa Molemomonga Ungu Te (18:1-14 pali kanani.)
1 Aku walemonga Yesusi lombili andolimene yu molorumune ongo yu walsiku pilkulie ningendo: “Pulu Yemo ye nomi kingimu molopa nokolemo†bokumunge alsena anjokondo “20. kingdom”. yembomanga nawe paa olandopa molemoye?” niringi. 2 Enone walseringi mele Yesusini pilipelie yu ambolango kanga te “Na moliona ou.” nimbe eno moloringine mondopalie 3 enondo nimbendo: “Nane eno paa sike nimbu sikirumu: Eno konopu alowa teko ambolango kangama mele naa molongi liemo Pulu Yemo ye nomi kingimu molopa yemboma nokolemo koleana‡Ya “koleana” naa tomulu liemo “yembo talapena” tomolo papula. suku paa manda naa punge. 4 Akumunge yembo tene ‘Na we yembomo molambo. Nanga imbi te olandopa naa molopili.’ nimbe i ambolango kangamo mele naa molemo yembomo yu Pulu Yemo ye nomi kingimu molopa nokolemo kolea na yembo imbi paa mololimu molemo.”§inie anjokondo 20:26-27, 23:11-12. ⸤nirimu.⸥
18:5-11 Olio Kirasinge Yemboma Kondi Tolemele Ulumenga Kinie Olio Ulu Pulu Keri Telemolo Ulume Kinie Aku Ulumenga Yesusini Ungu Mane Sipe Ungu Iko Torumu Temanemo*ungu pulumu 18:1-14*. (18:1-14 pali kanani.)
5 “⸤I ambolangomondo ungu te pea niembo:⸥ Yembo tene ‘Na Awilimunge yembomo molio.’ nimbe i ambolangomo mele lipe tapondomba kinie kanu yembomone aku tembamonga na lipe tapondombala. 6 Nalo yembo tene i⸤ambolango⸥ kangamonga ⸤mele yembo⸥ te ⸤na ‘Sike’ nimbe⸥ tondolo mundupe pilimo ⸤ambolango⸥ kanga te†inie yakondo 10:42, akumu ungu iko mele torumu ungupulumu bokumunge alsena anjokondo “31.4 pikinini - tok bokis”. ‘Ulu kerime tepili.’ nimbe kondi tombamonga kanu ⸤ambolango⸥ kangamo tondolo mundupe pilimo mele mundupe siye kolopa bulu simu liemo ⸤ambolango⸥ kangamo ou kondi naa topili kou paa awili te‡“Kou” nirimu akumu kou umbune teli paa awili tendo nirimu. Aku koumu kongi kao molo yembo marene ‘Rasi-witi nurupulu topili.’ ningu mengo andoringi kinie yu topele-mapele topa pupe witi nurupulu tondorumu. Pikisa te ya nondopa molopa, te Lipe Ora Sirimu 18:21 nondopa molemola. moko toko nomine lendeko ‘Yu kamu kolo-popili.’ ningu paka toko nomune paa maniekondo mundulimelanje paa papu.§Yesusini nirimu akumu ‘Teko kenjinge mele paa piliengi.’ nimbe liepi-liepi topa nirimu.
7 “⸤Na⸥ ‘Sike’ ningu tondolo munduku pilimele yemboma kelko bulu siku munduku siye kolonge ulume yamana lemomonga na eno kondo tekemo. Sike aku sipe ulume wendo ombá nalo yembo tene nanga yembo te kondi tombamonga kanu yembomo na bulu sipe anjo pumu liemo kanu kondi tomba yembomo mindili nomba paa molopa kenjimbe.
8 “Nunge kiselone molo kimbuselone ulu pulu keri te temu liemo aku kiselo molo kimbuselo kari leko lteani. Nu konde mololiku mindi puni koleana*bokumunge alsena anjokondo “24. laip”. kiselo molo kimbuselo naa angiliepili puni kinie peangamo. Nunge kimbu ki pali we angiliepili tepe naa kumbulupe nomba pepa mindi pumbe koleana liku toko mundunge kinie kerimu. 9 Molo nunge mongoselone melte kanokolie konopuni ‘liemboa.’ ningu pilku ulu pulu keri te tenu liemo aku mongoselo akuku lteani. Nu konde mololiku mindi puni koleana mongoselo naa angiliepili puni kinie peangamo. Mongo talo we angiliepili nu tepe koleana suku liku toko mundunge kinie kerimu.”†inie yakondo 5:29-30. ⸤nirimu.⸥
18:10-14 Kongi Sipisipi Talopa Lierimumunge Ungu Ikomo‡akumunge ungu pulumu 18:1-14*. (18:1-14 pali kanani.)
10 “I ⸤ambolango⸥ kangama ⸤mele yemboma⸥.nga te§inie yakondo 18:6*. kanoko keri kanoko ‘Yu koropamo.’ ningu paa naa teangi. Enonga nokolemele mulu koleana angelloma*Angellomane olio nokoko molemele ungu mare Konana 34:7, 91:11, Ipuru 1:14. alieli Tata mulu koleana molemona pea molemele kene ⸤aku naa teaa⸥.. 11 (Manie Omba Mana Ye A Lierimu Yemone ‘Yembo aulke lou leko molko kenjilimele yemboma koropo lipu tapondambo.’ nimbe orumu kanumu.)”†ungu pala ( ) akune sukundu molemo akumu yembo mare pilkulie ‘Mateyuni naa torumu. Yembo tene pe torumu.’ konopu lemele. Aku ungumu sike LLuku 19:10 molemo. ⸤nirimu.⸥
12 “Eno nambolka ningu pilkimiliye?
‘Ye tene kongi sipisipi pape paono mondolka kinie, te talopa lelkanje, yuni sipisipi po paono tene kelepa nani wema ma pangine molangi mundupe siye kolopa pupe, talopa lelka sipisipimu kanopa limbendo korolipe naa pulke.’ konopu lekemeleye? 13 Nane enondo paa sike nimbu sikirumu: Sipisipi talopa lelka kanumu kanopa lipelie kanu sipisipimu-kinie paa olandopa konopu silke. Talopa naa lemelama we konopu silke. 14 Aku sipela enonga Lapa mulu koleana molemomone i ambolango kangama ⸤mele molemele yemboma⸥‡‘Kirasinge yembo paa koropa puli molo imbi paa naa mololi yembomando nirimunje.’ konopu lemolo. Inie yakondo 18:6*. ‘aulke lou leko molko kenjinge kinie paa keri.’ nimbe molemola.” ⸤nirimu.⸥
18:15-35 Olio Teko Kenjinge Yemboma Kinie Temolo Mele Ungu Talo
18:15-20 Kirasinge Yembo Tene Nu Tepa Kenjimbe Kinie Nuni Yu Kinie Teni Mele Ungu Mane Te§LLuku 17:3-4. (18:15-35 pali kanani.)
15 “⸤Na lombili andolimenga⸥ angenu tene nu*Ya “nu” molemo akumu pilipe konginjeli pelemo yembo marene pilkulie, ‘Mateyuni pep torumu kinie “nu” naa torumu. Yembo tene lupe pe torumu.’ ningu pilimele. ‘Mateyuni pepa topalie “angenu tene tepa kenjemu liemo yuni tepa kenjimbe mele nu puku ningu sieni.” nimbe pep torumu.’ ningu pilimele. tepa kenjemu liemo nu puku tepa kenjimbe yembomo pea elolo molangili kanu ulu pulu kerimu yuni nu temba mele ningu sieni. Nuni nini ungumu tepa kenjimbe angena piliemu liemo angena kinie elo altoko kapola kapola molongele. 16 Nalo nuni nini ungumu yu naa piliemu liemo pe nuni ‘I ungumu pora nipili kene tembo mele yembo mare kanoko molangi altopo niembo.’ ningulie, kanonge yembo talo molo yepoko liku angena molombana mengo ongo eno kanoko molangi angenando ‘Telune molambili.’ altoko nieni.†ungu pulumu Ungu Manema 19:15, Kambu 35:30, Jono 8:17. Kanu kinie nuni teni kinie angenane temba mele kanu yembomane kanokolie yembo lupemando manda temane toko singe. 17 Kanu kinie yuni enonga ungumu kepe naa piliemu liemo Kirasinge yembo talapemondo‡bokumunge alsena anjokondo “43. sios”. puku ningu sieni. Pe Kirasinge yembo talapemo kepe angenane naa piliemu liemo ‘Yu olionga angenu molo. Yu ulsukundu molko konopu alowa naa teli yemboma mele§Kewa ungune “yembo ulsukundu molemele yemboma kinie kou takisi lili yema kinie” molemo nalo aku unguselonga ungu pulumu telumu akumunge ya molemo lipe tere lepa molemo. Ungu pulu te inie yakondo 11:19*, te bokumunge alsena anjokondo “2. arapela lain”. molemo lemo.’ ningu kanayo.*Romo 16:17, Ou Korini 5:11, Pe Tesallonaika 3:6,14, Pe Timoti 3:5, Taitasi 2:10, Jono Talo-Sipemo 10.
18 †18:17-18selo sumbi siku kambu tangi. Ungu lupe lupe molo. “Nane enondo paa sike nimbu sikirumu: Ya mana enone ⸤ulume kinie yemboma kinie⸥ “Molo.” ninge kinie Pulu Yemone mulu koleana sukundu “Molo.” nimbéla; enone mana “Kapola.” ningema Pulu Yemone mulu koleana sukundu “Kapola.” nimbéla.‡inie yakondo 16:19, Jono 20:23.
19 “⸤Akumunge⸥ nane enondo ungu te pea nimbu sikirumu: Enonga yembo talone ya mana “I sipu mawa teambili.” ningu panjengili liemo elone mawa tengele mele mulu koleana molemo Tatane elonga mawa tengele mele aku sipe tendemba.§ungu pulu te inie yakondo 7:7-8*. 20 Yembo ⸤koltalo,⸥ talo molo yepoko, na enonga Awilimu imbi leko walsiku, ‘Pea tapu topo molemolo.’ konopu leko maku toko molemelemanga na eno-kinie molemolo-na ⸤mawa tenge mele Tata yuni aku sipe tendembamo⸥..” nirimu.
18:21-35 Kongono Tendeli Ye Tene Kongono Tapu Toko Teringi Ye Te Kondo Naa Kolorumu Ungu Ikomo (18:15-35 pali kanani.)
21 ⸤Yesusini yembo teko kenjilimelemando ungu mane aku sipe sirimu⸥ kinie yu molorumune Pita nondopa ombalie yu walsipe pilipelie nimbendo: “Awilimu, nanga angenu tene na wale nambepa tepa kenjimbe kinie na we ‘Manie pupili.’ nimbu siye kolomboye? Wale sepene yuni temba mele siye kolopo we molopolie engaki sipemonga ‘Pundu topili.’ nimbo kinie papuye?” nirimu.*inie yakondo 6:14-15, Mako 11:25-26, LLuku 17:3-4.
22 Yesusini topondopa nimbendo: “Nane “Wale sepene mindi yuni nu tepa kenjimbe kinie yuni tembama siye kolko altoko pilku naa molou.” ni naa nikiru. “Wale sepene anderete sependi sepene yuni nu tepa kenjimbe walema pali yu tepili, siye kolko we molou.” nikiru.
23 “Akumunge Pulu Yemo ye nomi kingimu molopa melema nokolemo†bokumunge alsena anjokondo “20. kingdom”.
akumu isipe mele:
“Walse ye nomi kingi tene yunge kongono nokondoringi kendemandema kinie pundu angilierimume “ ‘Kinié mimi sipu kanopolie pundu tangi.” niembo.’ nirimu. 24 Aku sipe nirimu kinie kingimuni kou tene milliene kina mele‡‘Yemone kingimu kinie kou monema sumbi sipe pundu naa anjerimu.’ konopu lemele. ‘Kingimunge kongono tendembando kingimunge kou monema nosipelie mare awisili wa norumu.’ konopu lemele. ‘Pe kendemande yemone kingimunge koume ambolopa kongono terimu mele pep ma imbi torumume mimi siku kanokolie yuni koume wa norumu mele kanoringi.’ konopu lemele. ou pundu angilierimu ye te kumbi leko yu molorumune mengo oringi. 25 Nalo yu manda aku kou pundumu tomba aulke te paa naa lierimu kulu awilimuni nimbendo: “Kapola, iyemo kinie yunge ambo ambolangoma kinie yunge melema pali kinie makete teko kou mone likulie§ungu pulu mare Wendo Oringi 21:2, LLipai 25:39, Pe Kingime 4:1, Niemaya 5:5, Aisaya 50:1. koumu ongo pundu tondangi.” nirimu.
26 Aku nirimu kulu pilipelie kendemandemo ye nomimunge kumbikerena koporongo langopa tamalu pepa mawa tepalie nimbendo: “Nuni na kondo kolko we nokoko moloyo. Nane pundu pali tombo.” nirimu.
27 ⸤Kanu kinie⸥ ye nomimuni yunge kendemandemo paa kondo kolopa yu kendemandemo kinie pundu angilierimume pali “Yu tepili. Altoko pundu naa tani.” nimbe kamu siye kolopa yemo ka naa sipe “We pu.” nirimu.
28 Nalo ⸤ka singe teringi⸥ kendemande kanumu yu pena pupe kendemande te yunge kou wane anderete kina mele sirimumu kanopalie, yu pupe yunge nomine ambolopa ‘Yu kolopili.’ nimbe ambolopa elkele lakurupelie “Nanga kou sirindumu pundu tou!” nirimu.
29 Aku terimu kinie yuni tomba terimu yemo yunge kumbikerena koporongo langopa tamalu pepa mawa tepalie nimbendo: “Nuni na kondo kolko we nokoko moloyo. Nane pundu pali tombo.” nirimu.
30 Nalo kendemande lupemone “Molo, paa isili pundu tani.” nimbelie “Nu ka ulkena pekolie pundu toko pora siku wendo wani.” nimbe yu ka sipe ka ulkena panjerimu.
31 Yuni aku terimu mele kendemande wemane kanokolie eno konopu keri panjiku puku enonga ye nomimundu kendemandeselo teringili kanoringi mele kondi toringi.
32 Kanu kinie ye nomimuni aku niringi pilipelie kendemande yunge pundu “Naa toko we pu.” nirimu kendemande kanumu “Yando ou.” nimbelie yundu nimbendo: “Kendemande kerimu, nuni na tondolo munduku mawa tenu-ne nu na-kinie pundu paa awili tepa angilierimumu “Yu tepili, naa tou.” nimbulie we siye kolondu kanumu. 33 Pe nane nu we kondo kolondu mele nuni aku siku kendemande te nambemune kondo naa kolonuye?” nirimu.
34 Ye nomimuni yu mumindili kolopalie ka ulke nokoko ka ulkena peringi yemboma teko mindili kondoringi yema yu lipe sirimu. Yuni nimbendo: “Nu mindili nongolie pundu tani. Ou pundu pali toko pora sikulie pe mindi wendo wani. Ou molo.” nirimu.” ⸤nimbe Yesusini nirimu.⸥*akumunge ungu tondolo te Jemisi 2:13.
35 ⸤Yesusi yuni aku nimbelie ungu ikomonga pulumu kamu nimbendo:⸥ “Aku sipela, angenalini eno aku siku teko kenjinge kinie eno kerena mindi “Manie pupili. Siye kolkoro.” we ningu, sike munduku siye naa kolko, we konopuni pilku molongi liemo, ⸤kendemandemonga ye nomimuni kendemandemo tepa kenjerimu mele⸥ mulu koleana molemo Tatane siye naa kolko we konopuni pilku molonge yembo kanume enonga ulu pulu kerime ‘Manie naa pupili.’ nimbe, we siye naa kolopa kanu ulu pulu kerimenga “Mindili nangi.” nimbe aku tembala.” nirimu.†ya 18:21*.
*^ akumunge 18:1-5 Mako 9:33-37, LLuku 9:46-48, Mateyu inie 19:13-15, ungu pulu talo LLuku 22:24-27, Jono 13:12-17; 18:6-7 LLuku 17:2,1; 18:6-9 Mako 9:42-48; 18:8-9 inie yandopa 5:9,8; 18:11 LLuku 19:10; 18:12-14 LLuku 15:4-7.
†18:1: bokumunge alsena anjokondo “20. kingdom”.
‡18:3: Ya “koleana” naa tomulu liemo “yembo talapena” tomolo papula.
§18:4: inie anjokondo 20:26-27, 23:11-12.
*18:4: ungu pulumu 18:1-14*.
†18:6: inie yakondo 10:42, akumu ungu iko mele torumu ungupulumu bokumunge alsena anjokondo “31.4 pikinini - tok bokis”.
‡18:6: “Kou” nirimu akumu kou umbune teli paa awili tendo nirimu. Aku koumu kongi kao molo yembo marene ‘Rasi-witi nurupulu topili.’ ningu mengo andoringi kinie yu topele-mapele topa pupe witi nurupulu tondorumu. Pikisa te ya nondopa molopa, te Lipe Ora Sirimu 18:21 nondopa molemola.
§18:6: Yesusini nirimu akumu ‘Teko kenjinge mele paa piliengi.’ nimbe liepi-liepi topa nirimu.
*18:8: bokumunge alsena anjokondo “24. laip”.
†18:9: inie yakondo 5:29-30.
‡18:9: akumunge ungu pulumu 18:1-14*.
§18:10: inie yakondo 18:6*.
*18:10: Angellomane olio nokoko molemele ungu mare Konana 34:7, 91:11, Ipuru 1:14.
†18:11: ungu pala ( ) akune sukundu molemo akumu yembo mare pilkulie ‘Mateyuni naa torumu. Yembo tene pe torumu.’ konopu lemele. Aku ungumu sike LLuku 19:10 molemo.
‡18:14: ‘Kirasinge yembo paa koropa puli molo imbi paa naa mololi yembomando nirimunje.’ konopu lemolo. Inie yakondo 18:6*.
*18:15: Ya “nu” molemo akumu pilipe konginjeli pelemo yembo marene pilkulie, ‘Mateyuni pep torumu kinie “nu” naa torumu. Yembo tene lupe pe torumu.’ ningu pilimele. ‘Mateyuni pepa topalie “angenu tene tepa kenjemu liemo yuni tepa kenjimbe mele nu puku ningu sieni.” nimbe pep torumu.’ ningu pilimele.
†18:16: ungu pulumu Ungu Manema 19:15, Kambu 35:30, Jono 8:17.
‡18:17: bokumunge alsena anjokondo “43. sios”.
§18:17: Kewa ungune “yembo ulsukundu molemele yemboma kinie kou takisi lili yema kinie” molemo nalo aku unguselonga ungu pulumu telumu akumunge ya molemo lipe tere lepa molemo. Ungu pulu te inie yakondo 11:19*, te bokumunge alsena anjokondo “2. arapela lain”.
*18:17: Romo 16:17, Ou Korini 5:11, Pe Tesallonaika 3:6,14, Pe Timoti 3:5, Taitasi 2:10, Jono Talo-Sipemo 10.
†18:18: 18:17-18selo sumbi siku kambu tangi. Ungu lupe lupe molo.
‡18:18: inie yakondo 16:19, Jono 20:23.
§18:19: ungu pulu te inie yakondo 7:7-8*.
*18:21: inie yakondo 6:14-15, Mako 11:25-26, LLuku 17:3-4.
†18:23: bokumunge alsena anjokondo “20. kingdom”.
‡18:24: ‘Yemone kingimu kinie kou monema sumbi sipe pundu naa anjerimu.’ konopu lemele. ‘Kingimunge kongono tendembando kingimunge kou monema nosipelie mare awisili wa norumu.’ konopu lemele. ‘Pe kendemande yemone kingimunge koume ambolopa kongono terimu mele pep ma imbi torumume mimi siku kanokolie yuni koume wa norumu mele kanoringi.’ konopu lemele.
§18:25: ungu pulu mare Wendo Oringi 21:2, LLipai 25:39, Pe Kingime 4:1, Niemaya 5:5, Aisaya 50:1.
*18:34: akumunge ungu tondolo te Jemisi 2:13.
†18:35: ya 18:21*.