50
'Auvea yana Tofolova dumwena bikana
4 'Auvea Yaubada i venua'ivineku a vetolu'ivona faifaina bega yana vona 'waidiega to'abiawa a na kiavetoketokedi.
'Awa'awai 'aitamogana 'aitamogana 'waidie i luluvagoniku bega a vavainenega, 'wa da vo bani'odi kwakwama i da vavainenega yadi tove 'waineye.
5 'Auvea Yaubada i veifufu 'waikuye, yau a vainenega.
Kebu yana vona a da ve'etougai 'alo a da vedumwe'ai'aieni.
6 Mad 26:67; Mak 14:65Dumweku a tauyeni 'aku to'ainike 'waidie bega i na fitaliku,
wata kumiku a tauyeni bega 'aku foge'olo i na siabuabuya.
Maigiku kebu a da lutamubodebodeni 'aku tosidibidibi wata 'aku to'ikiwakiwala 'waidiega.
7 'Auvea Yaubada i 'i'ivaiseku bega kebu a na bunumayaga.
Faifainanina ma yaku tokemaiga a na tovotovoi fa'alina, yana nuanua a na 'i'idewadi,
'aku to'ainikenidi kebu 'adi fata i na 'ivebunumayagiku.
8 Lom 8:33,34Yaubada lilivakuye, i awave'atumaieku kebu tamu yaku sakona,
begaidi kebu tamu aitoi 'ana fata i na awavemogitana yaku sakona faifaina.
Egavo nuanuadi i na vevitaku i da mai i da veifufu 'waikuye.
9 'Auvea Yaubada i 'i'ibababaleku, kebu tamu aitoi i na awavesakoyeku tamu sakona faifaina.
'Aku tovevita matatabudi i na savovola 'wa da vo bani'odi budibudi i kalukalu tutuya 'ale'usana wata i 'a'awavovoli.