52
'Auvea Ielusalema i na 'ita'ita'ieni
7 Neo 1:15; Lom 10:15; Efe 6:15Aitoi tomogoga vala 'atumaina i na mieni 'oya 'waidiamo,
yana mai nani 'atumaiotogina,*'Ana mogitana vona Ibeliu 'waineye, 'ageyafayafana 'adi 'isa 'atumaidi.
valanina 'ita'ita'i wata mia niwalova i na souyediga faifaina.
Wata i na lu'ivona me Ielusalema 'waidie i na vo,
Yami Yaubada i veveimea.”
8 'Atamana bwaikina 'ana tove'isabodavo i vegolegole,
ma fuedie ma yadi sosoana i leilei,
fai taunidi matadiega i 'ise'iseni,
'Auvea yana vila-vaitugana Ielusalema 'waineye.
9 'Omi Ielusalema 'ana tomia, 'atamananina basenadi i luvela'ovi,
ma yadi sosoana i na vegolegole bonadi bwaikinega,
fai 'Auvea yana tomotoga nuadi i 'iveoloolodi,
yana 'atamananina i 'ita'ita'ieni wata i tuveobuya.
10 Yana toketokena magemagetana i sivemageseni,
'awalawa tulina tulina 'waidie,
bega tomia fwayafwaya matatabudi
yada Yaubada yana 'ita'ita'i i na 'iseni.
'Auvea yana Tofolova vita i na veluagai
'Auvea i vona i vo,
13 'Wa na 'iseni, yaku Tofolova ma yana nuamageta nani matatabuna i na 'idewa-'atumaidi.
A na silakai tabwaotogineye, 'ana awa'ai'ai i na veluagai.
14 Siwe tutuyanina tomotoga fuedi i 'iseni, nuadi i vogani fai tomotoga i nikei i 'ivekokovi,
'ana 'isa'isa 'wa da vo kebu tomotoga bani'odi.
'Ana 'isa'isa i 'iseniga i vetuli-'afo'afo,
kebu tomotoga 'ana 'isa'isa bani'odi.
15 Lom 15:21Tomotoga 'awalawa fuedi 'waidie i na 'iseni yawaidi i na lovoga,†'Ana mogitana vona Ibeliu 'waineye, i na luitaitalidi, tamu 'ana saivila, i na 'ivevunavunagidi.
Kini fuedi i na tovotovoi mataneye i na ve'wadamo,
naninidi kebu tamu aitoi i da lu'ivoneyediga, i na 'ise'isedi,
naninidi kebu valadi i da nogaidiga, nuadi i na magetadi.”