49
'Auvea yana Tofolova vevenua'ivinina
3 'Auvea i voneku i vo, 'Omu yaku tofolova, Isileli,*Wagavanina Isileli tamu Yaubada yana 'eba 'ainana Mesaia 'alo Keliso faifaina, kumanina me Isileli yadi Toveimea.
'waimuyega tomotoga fuedi i na subiaku wata i na ve'ililibuyeku.”
5 Wata 'Auvea i vo, Yau bola kebu a da tubuga, kumanina i venua'ivineku
i 'idewaku inaku natuvaluludie yana tofolova,
yana tomotoga me Isileli i mia-ve'eve'e'elagiga, a na vila-vaituganedi.
'Auvea i awalulakaiku bega ma 'aku ve'ililibu we'e Yaubada i kiavetoketokeku.
6 Ais 42:6; Luk 2:32; Fol 26:23; Fol 13:47Fai 'omu yaku tofolova, begaidi folovanina a velemuga 'u na 'idewai.
Iakobo 'ana wauma 'u na luve'ivaudi,
kumanidiavo me Isileli 'waidiega a 'ita'ita'iediga, 'u na vila-vaituganedi.
We'e tamu folova bwaikina a na velemu bega 'omu mageta mali tomotoga taunidi kebu Diu faifaidi,
bega 'waimuyega, tomia fwayafwaya matatabudi 'adi fata 'ita'ita'i i na veluagai.”
14 Me Ielusalema i vona i vo,
'Auvea i 'iaweloveda wata i venuafanida.”
15 Siwe 'Auvea i tutula i vo, 'Wa da 'asetai. 'Ana fata vavine kwamana i venatuneniga kebu i na 'isanuakalikalieni
'alo natudi i vevesusuyaga i na baileni?
Voke ina 'adi fata natudi i na venuafania,
we'e yau, kebu tamu sai'afo a na venuafanimiga.”