42
'Auvea yana Tofolova vevenua'ivinina
1 Mad 3:17; 17:5; Mak 1:11; Luk 3:22; 9:35Mad 12:18-21'Auvea i vo, De'e yaku Tofolova, a venua'ivineni a silakai,
faifaina a sosoana.
'Anu'anunuku a tauyeni i agei,
bega i na veveimea tonovina tomia fwayafwaya 'adi 'aila'a tulina tulina 'waidie.
2 Kebu i na veta'ata'ala wata kebu i na ve'ikwayekwayega,
'atamanafouye kebu bonana bwaikina i na noganogai.
3 Egavo mweadi 'wa da vo 'ayalele 'anino'una,
kebu i na kiadabadi i na 'ivaisedimo.
Egavo yadi vetumagana mweadi 'wa da vo mageta i da taulovolovogi,
kebu i na luve'weudi, i na 'ivaisedimo.
I na veveimea tonovina tomotoga matatabudi faifaidi.
4 Yaku Tofolova a venua'ivineniga, kebu i na 'abiawaga, ma yana tokemaiga i na folofolova i na nagoga 'ana tugusa Yaubada yana nuanua tonovidi i na vebwaika tomia fwayafwaya matatabuna 'waidie.
Tomotoga i miamiani 'ani'ie imula 'waidie,
yana awave'eda'eda i na lulukamaseni.
6 Ais 49:6; Luk 2:32; Fol 13:47; 26:23Yau 'Auvea a venua'ivinemu bega yaku sauluva tonovina 'u na sivemageseni.
Nimamuye a na 'abi a na veve'isabodemu,
yaku tomotoga me Isileli 'waidie a na 'anivelenemu,
yaku veakutagona 'ana tugusa.
Wata 'omu tomia fwayafwaya 'adi 'aila'a tulina tulina yadi mageta, 'u na 'e'edakumesedi.
7 'Omu matadi 'uludi 'u na kialadi.
Egavo i miamiani vanuga 'eba yogona 'waidie 'u na yavudi,
yogoyogonidi ovu dudubalidi 'waidie, 'u na miedi mageta 'waineye.”