40
Yaubada yana tomotoga nuadi 'ana 'iveoloolo
1 Yami Yaubada i vo, Yaku tomotoga 'wa na 'ivenuaoloolodi.
E'e, nuadi 'wa na 'iveagiagidi.
2 Vona bikanega me Ielusalema 'wa na velu'ase'asedi yadi mia vitana 'akonadi i 'a'ava,
wata yau 'Auvea yadi sakona a nuatavunidi.
'Adi vematavuloga a veledi, ma 'ana 'imoso'i.”
Sali'avu'avuye 'Auvea yana 'eda 'wa na vusia
wata fwayafwaya lalaneamo Yaubada yana 'eba nago 'wa na sivetonovi.
4 'Oya 'wa na aladi i na vetano'atuga
we'e 'awa'awakovadi 'wa na veivudi.
'Eda 'oka'okadi 'wa na vusivetonovidi
wata 'eda bwakabwakadi 'wa na 'idewadi i na ve'atumai.
5 'Auvea yana mageta mataududulina i na sivemageseni,
bega tutuya 'aitamogana 'waineye tomia fwayafwaya matatabudi i na 'iseni.
Naninidi i na souyediga fai 'Auvea taunina i vona bani'odi.
9 'Omi me Saioni,*Saioni, Ielusalema tamu 'ana wagava, we'e mogitana 'awasasanina Yaubada yana Vanuga 'Eba Velu'ui bei i tovotovoi. 'oya deba'ainega vala 'atumaina 'wa na lu'ivoneyeni.
'Omi me Ielusalema bonami bwaikinega 'wa na vegolegole,
kebu 'wa na kolologa.
'Atamana 'aitamogana 'aitamogana Iuda nageneye 'wa na vonedi, 'wa na vo,
'Wa 'iseni, yami Yaubada i mimai.”
'Wa 'iseni, tomotoganidi i 'ita'ita'iediga, 'asa'aiana 'ana tutula,†'Ana mogitana vona Ibeliu 'waineye, ma 'ana tutula i mimai. taiadi i mimai.
11 Isi 34:15; Ion 10:11Yana tomotoga i na 'i'isave'avinidi bani'odi sifi to'isave'avina yana sifi i lulumadu'aiedi.
Sifi natudiavo i na 'ewadi i na tunufwasedi nuafouneye,
we'e sifi ma natudiavo ma'inuana i na kumekumesedi.
27 'Omi me Isileli 'wa vonavona 'wa vo, 'Auvea 'ada vita bavubavuna wata kebu faifaida i da nuanua.”
28 'Wa da vo 'omi kebu 'wa da nogai wata kebu 'wa da 'asetaiga.
'Auvea Yaubada miamia-vagaina,
fwayafwaya matatabuna 'ana To'idewadewa.
Kebu tamu tutuya i da mwea 'alo i da 'abiawa,
yana 'aseta 'ana vebwaika kebu tamu aitoi i na 'etowavai.
29 Tovovomwea i kikiavetoketokedi.
30 Tubuvauvau i na mwea wata i na 'abiawa,
nigolalaga yawaidi i na 'anidaba.
31 Siwe egavo 'Auvea 'waineye i vevetumaganaga kebu i na 'abiawa,
i tutunulakaidi wata i kikiavetoketokedi,
bani'odi bwaibwai i lulubewevuvueni 'awasasa'aveye.
I na lililide kebu i na 'abiawaga,
i na nunago kebu i na alaga.