3 Sifinina Siaina yogona 'ana veluga i kiadabai nika nani ma yawaina toketokena 'ana veluga bonana a nogai i vo, 'U mai.” 4 Sek 1:8,6:2A 'isanago tamu osi i souyeni siwe yamoyamoina. Osinina kwavuneye tamu tomogo ma yana veimea bega tomotoga fuedi fwayefwayeye tauni'avadi i na vevetalaga wata tauni'avadi i na luluvewafadi. Kefata bwaikina i 'idewaiga kainumu 'wainega i veleni.

5 Sek 6:2,6I 'a'avana mulieta Sifinina Siaina yogona 'ana vetonu i kiadabai nika nani ma yawaina toketokena 'ana vetonu bonana a nogai i vo, 'U mai.” A 'isanago tamu osi 'wau'waugina i souyeni, kwavuneye tamu tomogo, kukua 'adi vita 'adi 'eba 'etowava nimaneye. 6 Bona a nogai 'wa da vo tamu tomogo i da vegole, nani ma yawaidi toketokedi 4 'awasasadiega i vo, Tomotoga fuedi i na folofolova, we'e 'aiata 'aitamogana 'ana tutula i na 'ewai, tutulanina matatabuna 'wainega 'ana fata 'ani'ani siaina i na kimwanei bani'odi 'uvi 'aitamogana 'alo tafioko 'aitonu. We'e bunama olive wata oine kebu 'u na 'ivekokovi.”

7 I vona'a'ava, mulieta Sifinina Siaina yogona 'ana ve-4 i kiadabai, nika nani ma yawaina toketokena 'ana ve-4 bonana a nogai i vo, 'U mai.” 8 Isi 14:21A 'isanago tamu osi a 'iseni tomogona 'adalina, kwavuneye tamu tomogo 'ana wagava Wafa, we'e mulineye tamu iana 'ana wagava Towafa-yadi-'eba-mia.*Towafa-yadi-'eba-mia me Kuliki bonadi Edesi. Tomotoganidi 'adi 'ailuga ma 'adi veimea i tauyedi 'adi fata tomia fwayafwaya fuedi i na luvewafadi. I na vo, 'A na nikedi side bani'odi, 'ifwaidi tauni'avadi i na vetalaga i na wafa, 'ifwaidi lokayega i na wafa, 'ifwaidi viga sakoidi 'waidiega i na wafa, we'e 'ifwaidi 'aisaya walawala'ai i na ovadi i na wafa.” Tomotoganidi i na wafaga side bani'odi 'adi 'aila'a. Tomia fwayafwaya matatabudi ta da 'idiaga 'aila'a 4, 'aila'a 'aitamogana bani'odi taunidi towafa.

9 To'ainikenidi 'adi 'ailuga i nagoi, mulieta Sifinina Siaina yogona 'ana ve-5 i kiadabai nika Yaubada yana 'eba velomu a 'iseni. 'Eba velomunina dibuneye Yaubada yana Vona 'ana tolu'ivonavo 'anu'anunudi a 'isedi, kumanidiavo basenadi tosakona i luvewafadi yadi tokemaiga Iesu faifaina. 10 Towafanidi i toke i vegole bonadi bwaikinega i vo, 'Ama Toveimea toketokemu wata magemagetamu, yamu sauluva matatabuna tonovidi. Ma'avia tomia fwayafwaya i na vonayavuga bega 'u na veimea tomotoganidi i luvewafamaga vematavuloga i na veluagai?” 11 'Aitamogana 'aitamogana talauma 'avu'avudi i veledina i vonedi i vo, Sai'afo 'wa na lulukamata, nagami emiavo taunidi Iesu yana tofolovavo 'ifwaidi i na luvewafadi, mulieta 'ami 'aila'anina nuanuaku i na veluagai nika bei vematavuloga i na souyeni.”

12 Ais 13:10; Ioe 2:10,31,3:15; Mad 24:29; Mak 13:24-25; Luk 21:25; Ve 11:13, 16:18I vona'a'ava, matakuye Sifinina Siaina yogona 'ana ve-6 i kiadabai nika yoyoyo bwaikina i yue. Inala i lu'waugi igovala bani'odi, weta'i vivivilina i yamota 'wa da vo dayaga. 13 Ais 34:4'Ubwana fuedi i avuta 'wa da vo kaukau toketokena i da nunuga welavi ididi i da avuta. 14 Ve 16:20Abama ava'aiamo i nago 'wa da vo 'ile i da nunumi, we'e 'oya wata imula matatabudi i feto wata i ve'ani'idi'idi.

15 Ais 2:19,21Tutuyanina naninidi i souyedi a 'isedi, tomia fwayafwaya yadi kini, toveimeavo, gavia 'ana to'edakumetavo, tove'ai'aiwabu, tovetoketoke, tofolova-maimaiga wata tomotoga yavuyavudi, matatabudi i dega i ve'alagivagiva vatu'aie wata ovuye. 16 Ose 10:8; Luk 23:30I vegolegole 'oya wata kileu 'waidie i vo, 'Wa 'anita'imi 'wa tavunima, nika kumanina didiga 'ai'aiwabuna 'waineye i miamiaga kebu 'ana fata i na 'isema, wata Sifi Siaina yana nuasako kebu i na sousouyeni 'waimeye. 17 Ioe 2:11; Mal 3:2'Wa na givema fai yadi 'aiata bwaikina 'akonadi i souyeni, ma yadi nuasako i na vematavulogima. Kebu tamu aitoi 'ana fata i na vetoketoke 'adi 'ailuga yadi nuasako 'waidiega.”