Mo꞉fo꞉s Andeb We Fo꞉l Eyo꞉
Timoti
Emo꞉ Sa꞉sa꞉liga꞉fo꞉
Asuluma꞉no꞉ towo꞉ we
Fo꞉l e dibolo aya silikiyo꞉, e soma꞉no꞉wo꞉ ko꞉na꞉ma dowab a꞉la꞉asulo꞉ ko꞉lo꞉ mo꞉fo꞉s we Timotimo꞉wo꞉ a꞉na sa꞉sa꞉lo꞉. Mo꞉fo꞉s sa꞉sa꞉lo꞉ us a꞉namio꞉ to nolo꞉ da꞉lab. Nowo꞉ hida꞉yo꞉ ko꞉li ko꞉lilo꞉ fa꞉la꞉dowalikiyo꞉, Timoti e Ya꞉su Kelisowa ege dowaki, ene tilidabuwo꞉ halaido꞉ doma꞉kiyo꞉, hagugu sa꞉sa꞉lo꞉. To nowo꞉ we, Timoti e Ya꞉suwa꞉ to nafa a꞉no꞉ dinafa halale wida꞉li ha꞉na꞉melea꞉ki, towo꞉ a꞉na sa꞉sa꞉lo꞉. A꞉la꞉ta꞉ga꞉, to nowo꞉ we. Ya꞉su Kelisowo꞉ sagalema꞉kiyo꞉, Timoti eyo꞉ nanogo꞉ dinafa halale dima꞉ki sa꞉sa꞉lo꞉. A꞉la꞉ta꞉ga꞉ Folo꞉ dibolo aya silikiyo꞉, nolo꞉ e ta꞉ta꞉sa꞉ga꞉ ha꞉nabikiyo꞉, e fo꞉fo꞉dolo꞉ sen ko꞉lo꞉, Timotiyo꞉ e ba꞉ba꞉ mena꞉ki, mo꞉fo꞉s we a꞉na sa꞉sa꞉lo꞉.
1
Ne Fo꞉l, Ya꞉su Kelisowa꞉lo꞉ iliga꞉felo꞉ kalu nowo꞉ ne. Kaluka꞉isaleyo꞉ Ya꞉su amilo꞉ tilida꞉dab o꞉mo꞉wo꞉ mela꞉no꞉wo꞉ dimia꞉no꞉ a꞉la꞉liki, Godeya꞉ dinali sio꞉ ko꞉lo꞉ ne to a꞉no꞉ walama꞉ki, ne a꞉na da꞉fea꞉sa꞉ga꞉ iliga꞉fo꞉. Ilig 16.1, 1Tim 1.2Timoti ge, ni so꞉wale o꞉ngo꞉ dowo꞉. Mo꞉fo꞉s we gemo꞉ iliga꞉to꞉l. Do Gode o꞉lia꞉ nili Alan Ya꞉su Keliso o꞉lia꞉ma꞉ ha꞉fo꞉ disa꞉lan mano꞉, nofolano꞉ a꞉la꞉ta꞉ga꞉ ha꞉sa dowano꞉ gelo꞉ dima꞉ki, Godemo꞉ dulugu so꞉lo꞉l.
Ya꞉suwa꞉ wi amio꞉ mo꞉sende doma꞉ki, halale sio꞉
Ilig 23.1Ne ma꞉mu iya꞉lo꞉ Gode kudu ha꞉na꞉sen aumbo꞉, niyo꞉lo꞉ asugo꞉ go꞉go꞉do꞉ dowaki, Godeya꞉ ene nanog dimida꞉likiyo꞉, ho꞉lenowo꞉lo꞉ nuluwo꞉lo꞉ niyo꞉ ge asula꞉likiyo꞉, Godemo꞉ mada o꞉m a꞉la꞉sa꞉la꞉sen. Gilo꞉ ya꞉lakilo꞉ si ho꞉n ane a꞉no꞉ ne asula꞉liki, ge galima꞉no꞉wo꞉ alan asula꞉sen. Mo꞉wo꞉ niyo꞉ ge ba꞉dakiyo꞉, mada alan sagalema꞉no꞉. Ilig 16.1A꞉la꞉ta꞉ga꞉ gilo꞉ tilidabu hendeleyo꞉ ne asulakiyo꞉, tilidabu a꞉no꞉ tamina gu Lois dia꞉ go꞉ Yunes dia꞉ amio꞉ elen ko꞉lo꞉, o꞉go꞉ ge amio꞉lo꞉ a꞉lab, niyo꞉ a꞉la꞉asulo꞉l. 1Tim 4.14A꞉la꞉fo꞉ko꞉lo꞉ ni dagiya꞉ golab amio꞉, Gode eyo꞉ boba kelego꞉wo꞉ gemo꞉ dimi ko꞉lo꞉, o꞉go꞉ de ko꞉lo꞉ dalifa꞉nigab amilo꞉ folan aumbo꞉, boba kelego꞉ a꞉no꞉ digidalitakiyo꞉, ge nanogo꞉ halale dimida꞉bi. Lom 8.15Gode eyo꞉ tagilan man a꞉no꞉ nimo꞉wo꞉ mo꞉dimi ko꞉sega, nili mamayo꞉ halaido꞉ dowaki, ha꞉fo꞉ disa꞉ma꞉no꞉ man o꞉lia꞉ nili asulo꞉wo꞉ dinafa tilidoma꞉no꞉ man o꞉lia꞉, a꞉no꞉ nimo꞉ dimi.
A꞉la꞉fo꞉ko꞉lo꞉ gio꞉ Alan Ya꞉suwa꞉ wi ko꞉lo꞉ wala sa꞉ma꞉no꞉wo꞉ sendelowa꞉so꞉bo. A꞉la꞉ta꞉ga꞉ Ya꞉suwa꞉ wi amilo꞉ dibolo to꞉lolo꞉ kalu ne amio꞉ ge sendelowa꞉so꞉bo. Ko꞉sega giyo꞉ Godeya꞉ halaido꞉wa dowakiyo꞉, nilo꞉ to nafa wido꞉ amilo꞉ hida꞉yo꞉ dio꞉l we aumbo꞉ giyo꞉lo꞉ dia꞉niki, ne kudu ya꞉bi. A꞉fe 2.8-9, Tait 3.5Gode eyo꞉ nio꞉ a꞉ma꞉la꞉ gasiliakiyo꞉, nio꞉ mela꞉no꞉ malilo꞉wa mesea꞉ki, da꞉fe alifa꞉. A꞉no꞉ niliyo꞉ elo꞉ dimido꞉ amima ko꞉sega, eyo꞉ nimo꞉wo꞉ ha꞉fo꞉ disa꞉laki, enedo꞉ asulab au da꞉feyo꞉. Henfelo꞉ we o꞉fa꞉la꞉doma꞉no꞉ amio꞉, Gode eyo꞉ Ya꞉suwa꞉lo꞉ dimidama꞉no꞉ a꞉no꞉ asula꞉sa꞉ga꞉, nimo꞉wo꞉ ha꞉fo꞉wo꞉ tamina disa꞉. 10  Hibu 2.14Ko꞉sega o꞉go꞉ ha꞉fo꞉ disa꞉lan a꞉no꞉ fanda asuluma꞉kiyo꞉, nilo꞉ gasilia꞉no꞉, Ya꞉su Keliso, e mio꞉ ko꞉lo꞉, sowan man a꞉no꞉ e bidilaki, to nafayo꞉ nilo꞉wa dia꞉mio꞉. To nafa a꞉ma꞉yo꞉ mela꞉no꞉ mela꞉no꞉ a꞉no꞉ nimo꞉ dima꞉ki, fanda wido꞉.
11  1Tim 2.7To nafa a꞉no꞉ wala sama꞉ki, Gode eyo꞉ ne Ya꞉suwa꞉lo꞉ iliga꞉felo꞉ kaluwo꞉ a꞉la꞉ta꞉ga꞉ to nafalo꞉ walama꞉no꞉ kaluwo꞉ ne da꞉feyo꞉. 12 A꞉la꞉do꞉ dimido꞉ amio꞉ ne o꞉go꞉ hida꞉yo꞉ ba꞉da꞉li so꞉l. Ko꞉sega ne mo꞉sendelowaki halale kagafo꞉lo꞉l. Mo꞉wo꞉ kalu nilo꞉ tilida꞉da꞉sa꞉ga꞉lo꞉ o꞉lo꞉l we ne asulo꞉ ko꞉lo꞉, nanog nemo꞉lo꞉ dimi a꞉no꞉ Ya꞉suwa꞉ ene tili dofo꞉ ha꞉na꞉la꞉ga꞉yo꞉, henfelo꞉ welo꞉ edab ami a꞉na ta꞉fa꞉ib, niyo꞉ a꞉la꞉asulo꞉l. 13 Man digalo꞉ ko꞉lo꞉ nilo꞉ gemo꞉lo꞉ wido꞉ a꞉no꞉, giyo꞉ halale ta꞉li dofo꞉lubi. Ge Ya꞉su Kelisowa dowakiyo꞉, tilidabu man o꞉lia꞉ ha꞉fo꞉ disa꞉lan man a꞉no꞉lia꞉yo꞉ kudu ha꞉na꞉lubi. 14  1Tim 6.20Godeya꞉ Mamayo꞉ ge o꞉lia꞉ iliki asuwa꞉ta꞉lab ko꞉lo꞉ to nafale ko꞉lo꞉ gemo꞉lo꞉ bo꞉fo꞉melea꞉kilo꞉ dimi a꞉no꞉, giyo꞉ dinafa bo꞉fo꞉lubi.
15 Kaluka꞉isaleyo꞉ A꞉sia hen amilo꞉ sa꞉sen i a꞉no꞉, Figelus o꞉lia꞉ Hemogenes o꞉lia꞉, iyo꞉ tambo ne ko꞉lo꞉ gola ba꞉ba꞉ a꞉no꞉ giyo꞉ asulufo꞉lab.
16 Ko꞉sega Ya꞉su eyo꞉ Onesifolus o꞉lia꞉ ene so꞉lo꞉ o꞉lia꞉yo꞉ nofolaki asuwa꞉foma꞉kiyo꞉, niyo꞉ iyo꞉ dulugu so꞉lo꞉l. Mo꞉wo꞉, eyo꞉ ne ha꞉sa doma꞉kiyo꞉ tamin amio꞉ asufa꞉ ko꞉lo꞉, ne dibolowa ane amio꞉, eyo꞉ nemo꞉wo꞉ mo꞉sendelo alifa꞉. 17 A꞉la꞉ta꞉ga꞉ e Lom fa꞉la꞉dowakiyo꞉, ne mada keda꞉i ya꞉la꞉ga꞉ nelo꞉wa fa꞉la꞉dowo꞉. 18 A꞉la꞉ta꞉ga꞉ ne A꞉fesa꞉s sen amio꞉, elo꞉ ko꞉li ko꞉lilo꞉ asufa꞉ a꞉no꞉, giyo꞉ asulo꞉ ko꞉lo꞉lab. A꞉la꞉fo꞉ko꞉lo꞉ Ya꞉suwa꞉lo꞉ mo꞉walilab ho꞉len a꞉namio꞉, e nofolo꞉ alifoma꞉kiyo꞉, niyo꞉ Ya꞉sumo꞉wo꞉ to so꞉lo꞉l.

1:2: Ilig 16.1, 1Tim 1.2

1:3: Ilig 23.1

1:5: Ilig 16.1

1:6: 1Tim 4.14

1:7: Lom 8.15

1:9: A꞉fe 2.8-9, Tait 3.5

1:10: Hibu 2.14

1:11: 1Tim 2.7

1:14: 1Tim 6.20