8
Malatau laghe gheelei sae aiaavusuvusuena tale tootoo atoa
Apos 15:29.Me tale malatau la gheelei sae aiaavusuvusuena tale tootoo atoa: Ita kilakila va, nongina am ghe pitila va, “Ita akapaaili ita kilakila oroi voto,” me ia o nikila voto ateae erooroo tani gheleita va ita tau sae nannaaita. Me niailousi eteva egheleita tani mene sausi kateva. Gal 6:3.Lo ateva taumattu eannaa va ekilakila akapa voto, karika ekilakila nongina God ealoanna va ekila. Ta lo ateva taumattu eailousiaa God, God etaatara kilaia.
Gal 4:8; Diut 4:39; 6:4.Tani nama malatau la gheelei sae aiaavusuvusuena tale tootoo atoa,* Katoa aGrik laghe gheelei sae mua ghaata kkena aiaavusuvusuena tale tootoo atoa tale aleira ale nikkaua, me laghe vira laolaoaa malatau tale maketi va la poli. “Ita kilakila va tootoo atoa karika va koronna ila tale kosa ateva oia,” ta ita kilakila va, “Kateva nonga ia God ateva.” Me arongona ta oroi voto epona liu me tale kosa ateva la kolokolola va goto ila me vau ila, Ips 4:5, 6.me etaita kateva nonga ia God ateva Tamaita ia, ia ghe gheleila voto akapaaili, me ita maamaulue tani oneoneainia. Me kateva nonga ia Vau ngepona ateva Iesu Karisto, ta ngetana God ghe gheleila kosa ateva, me ia etautau mae maulue etaita.
Me karika va tau ngaiesoa ngakapa atoa la kilakila isaa o voto koronna, ta katoa laghe namuu teela niaiesoaa va tootoo atoa maulue ila. Liuna avalua o me nau la namanama malatau taumattu ngatoa laghe ghelei saela aiaavusuvusuena etana tale tootoo atoa, karika aloira ghe maamasaangala, la aateateaa va voto la gheelei karika masina. Karika va inana aue elaoa ngakalakalanginaita ta God, me God karika aue etaraio va masina io arova unamanama, me karika aue etaraio va sesa io arova utam namanama.
Rom 14:13-15; Gal 5:13.Am paniem, am kila va voto am aloanna tani ghelei tale alomasaangaaimim erau ghelei lo atoa saghuighuina ila tale niaiesoaa va la katuu. 10 Poli marova lo ateva ukilakila isaa oia voto me unamanama elome tale teva ale nikkaua alena ateva tootoo goto, me teva karika korokorongana ia tale niaiesoaa etaraio, isaa o voto ugheelei aue easarasarakanaia tani nama malatau la gheelei sae aiaavusuvusuena tale tootoo atoa. 11  Rom 14:15, 20.Liuna avalua o me ia o kapum ateva karika korokorongana ia tale ninannaa, Karisto ghe matela etana, angu turungila unna niaikaaiaa tale voto ugheelei tale alomasaanganiaam. 12 Io angu gheleila sesa voto ta Karisto nau angu gheleila voto sesa ta kapum ateva, tale ia o salana atikirighi, me ugheelei saasakiaa nannaane. 13  Rom 14:21.Liuna avalua o me marova malatau anamanama egheelei kapughu eteva ekaakatuu, karika poi aue amene nama malatau, poli arau mene gheleia va ekatuu.

8:1: Apos 15:29.

8:2: Gal 6:3.

8:4: Gal 4:8; Diut 4:39; 6:4.

*8:4: Katoa aGrik laghe gheelei sae mua ghaata kkena aiaavusuvusuena tale tootoo atoa tale aleira ale nikkaua, me laghe vira laolaoaa malatau tale maketi va la poli.

8:6: Ips 4:5, 6.

8:9: Rom 14:13-15; Gal 5:13.

8:11: Rom 14:15, 20.

8:13: Rom 14:21.