Daniela
'Eba kiavemageta
Me Isileli Yaubada i vedumwe'ai'aieni we'e ma'itufa i 'odu'odu kumaea 'waidie. Tutuya matatabuna sauluva sakoidi mataneye i 'i'idewadi, begaidi 'adi gaviavo i vetunedi i na vematavulogidi, bani'odi basenadi i vona'awaufaufa 'waidie.
Kini toketokena 'ana wagava Nebukadinesa, 'atamana Babiloni 'wainega i nago Ielusalema i tala'avui wata me Iuda fuedi i 'ive'avinidi. 'Aila'anidi 'waidiega tamu tomogo 'ana wagava Daniela, ma fuedie i 'ive'avinidi i nawedi Babiloni.
Yaubada Daniela i veni 'adi vita 'ana tutuya i na 'a'ava, mulieta Yaubada yana 'Eba Veimea i na 'ivebwaiki wata yana Kini i na kiavetoketokei i na mia-vagata. We'e egavo 'adi wagava Yaubada yana buki nageneye, kumanidiavo 'ita'ita'i i na veluagai. Veifufu de'e Yaubada 'wainega, me Isileli i kikiavetoketokedi yadi mia tutuya i mimaiga faifaina.
7
Kumanina yana veimea 'eno'eno-vagaina Daniela i 'iseni
Daniela i vona i vo,
13 Mad 24:30; 26:64; Mak 13:26; 14:62; Luk 21:27; Ve 1:7,13; 14:14Tamu lovana 'waineye a 'enoneganega, i veku 'wa da vo tamu tomotogaotoga 'ana 'isa'isa bani'odi, waowa i umeni i mimai, kumanina Miamia-vagaina lilivaneye i le'wale'wa, nika tamu aitoi i 'edakumeseni i naweni 'waineye. 14 Ve 11:15Tomia-vagatanina veimea, ve'ililibu wata toketokena i veleni bega i na vevetoveimea. Tomotoga 'adi 'aila'a tulina tulina bonadi tulina tulina 'waidiega i na subisubiai wata i na vematayakeyakeni. Yana veimea kebu i na 'a'avaga i na 'eno-vagata, wata yana 'eba veimea kebu 'ana fata i na luvela'oviga.