3
Ina Ngode Datagaliwabe waneigini kamago ogo
Aba Ngode Datagaliwabehanda inahondo, Tí i̱naga waneigini kamigo, lalu gubalini timbuni au ho kadabe ina handa nabi kama. Nde heneneore ina Ngode Datagaliwabe waneigini kamagonigo dindini ko biaga karume Aba Ngode Datagaliwabe manda nabi howa inabi manda nabi ka. Yo 1.12, 3.16, 16.3, Lm 8.16, 1 Yo 4.10 I̱ nenege turubiru-o ina áyu Ngode Datagaliwabe waneigini kamaru maha abi holeberamadabe toba ho kama. Iname mbira dege manda bidamago ogo. Keriso ibu hapani haragola ibu abi ale kabe ina de handalu ibu kagobiore holeberamalo manda bidama. Lm 8.18, 8.29, 1 Ko 15.49, 2 Ko 3.18, Pb 3.21, Kl 3.4, 2 Pi 1.4 Ibugua ina ogonibi helolebira lowa minime dunubia ho haabo kamarume Keriso ibu baya buruguleore kagobi ina nde mo baya buruguleore helelo mitangitangi bialu kama.
Ko biaga karume Ngode Datagaliwabe mana lowini ngago mo wahaga ka. Ko bulene bibahende ngarume Ngode Datagaliwabe mana lowini ngago mo wahaga. Lm 4.15, 1 Yo 5.17 Ani mo wahagago Keriso ibugua ko domo wahole hapani ho hayagobi ko bulene ibuha nawiore kagobi tí manda bidami. Ais 53.5-6, 53.11, Yo 1.29, 2 Ko 5.21, 1 Ti 1.15, Hi 4.15, 1 Pi 2.22-24, 1 Yo 2.2 Kerisoha hogimbu bu karume ko nabiaga ka. Ko biaga karume Keriso handa nabi halu manda nabi ka. Lm 6.1-2, 6.14, 1 Yo 2.4, 3.9, 4.8, 3 Yo 11
I̱ waneiginiru-o mbiralime tí mo hondo holani de hondo halimu. Keriso ibu mini tigabiwi kagobi mbirali mana tigabi bialu kayagua ibubi mini tigabiwi ka. Lm 2.13, 1 Yo 2.26, 2.29 Dama Heyolabe piganengi howa ko biaabo halu haga kagobi mbirali ko biaga kayagua ibu dama Heyolabe aria ka. Dama Heyolabeme ko bibahende biyaru Ngode Datagaliwabe Igini ibugua bo podai halu mo ereba haiore hole hapani ho henego ka. Pig 3.15, Lg 10.18, Yo 8.44, 16.11, Hi 2.14
Mbirali ibu Ngode Datagaliwabe waneigini hayayagua Ngode Datagaliwabenaga holene gahenge ibuha wia kagome ibu ko nabiaga ka. Ogoni ibu Aba Ngode Datagaliwabe bu hinu kagome ibu ko bibe nahe kagoni. 1 Pi 1.23, 1 Yo 5.18 10 Anigo Ngode Datagaliwabe waneigini ogobi ka dama Heyolabe waneigini ogobi kalo manda bibehego ogodagua. Wali agalime mana tigabi nabiaga kayaguabi Keriso hameiginiru gubalini nahaga kayaguabi ti Ngode Datagaliwabe waneigini ndo kagoni. 1 Yo 2.29, 4.8
Ngode Datagaliwabe waneigini tíni gubalini hagahaga bu holene ngago ogo
11 Tígua pigane Ngode Datagaliwabehondo mini mbiraore wialu harimigo howa mana hale hai harimigo ogo. Inane gubalini ho hagahaga bu haabo holene ngagoni. Yo 13.34, 15.12, 1 Yo 1.5, 4.7, 4.21 12 Ina Keni ale nahami̱ya. Keni ibu Ko Bulene Dama Heyolabe aria howa ibu hamene Abele homelo bene. Ibu hamene homelo benego irane agibe. Irane ibu hameneme mana tigabi biaga heagola Keni ibuni ko biaga henegome ibu hamene homelo bene. Pig 4.8, Hi 11.4, Yu 11
13 Anigo i̱ hamene mbaliniru-o wali agali ko biaga karume tí handabe manga ho kayagua tí mogo nalalimu. Md 5.11-12, Yo 15.18-19, 17.14, 2 Ti 3.12 14 Iname ina hamene mbaliniru gubalini ho kamago ina homaganehayagi howa haabobo holenehayagi porabu ede ho kamagoni manda bidama. Mbirali ibu hamene mbaliniru gubalini nahaga kagome ibu homaganehayagi haabo ka. Yo 5.24, 1 Yo 2.9-11 15 Mbirali ibu hamene mbalinibi gubalini nahe handabe manga haga kagome ibu wali agali homelo bagane ale kagoni. Anigo wali agali homelo bagane kago haabobo holene mbira ibuha nawiore kago tí manda bidami. Md 5.21-22, Ga 5.21, Mo 21.8 16 Iname gubalini holene manda bidamago ogo. Keriso ibu inanaga homo aribia hayago manda buwa iname ina hamene mbalinirunaga homo aribia hole nendebu hami̱ya. Yo 3.16, 13.1, 15.13, Lm 5.8, Ga 1.4, Eb 5.2, 5.25, 1 Te 2.8 17 Mbirali homogo howa ibu hamene burupale kago de hondowa dara halu biamogo nabiyagua nde ibugua, I̱ Ngode Datagaliwabe gubalini ho ko, larago lolene nawiore ndodabe. Man 15.7, Lg 3.11, 1 Yo 4.20 18 I̱ waneiginiru-o iname bame lope halu bime dege lalu gubalini holene nawi. Iname biabe bialu howabi pele mialu howabi inane gubalini henene ho hagahaga bu hami̱ya. Lm 12.9, Ya 2.15-16, 1 Pi 1.22
Ngode Datagaliwabe deni howa ibu waneiginime gi holene nawigo ogo
19-20 Anigo iname henene lolene aria kamagoni manda bialu Ngode Datagaliwabe deni howa inanaga bu miniha, Ko beramagonaga pani nolene nga, lalu langiyagua inanaga mini mo dambola holene karulolene nga. Irane ina mini emenewi kamagola Ngode Datagaliwabe ibu mini timbuniorewi howa bibahende manda bulene damene ngago ibu manda biai kago ina manda bidama. Yo 18.37, 1 Yo 1.8 21 Anigo i̱ nenege turubiru-o inanaga bu miniha, Ko beramagonaga pani nolene nga, lalu nalangiyagua Ngode Datagaliwabe deni howa ina mini dunubia ho howa ho dungulo holene nga. Hi 4.16, 10.22, 1 Yo 2.28, 4.17 22 Ngode Datagaliwabehanda mana lowini ngago iname buluma̱yanaga lowinigo hale halu ibugua hame ledadagua bialu kamagome ibuhondo, Mbirale bayale ogo bia, lamirimayagua ibugua hale halu abale bulebira. Iba 34.15, Yar 29.12, Md 7.8, 21.22, Yo 9.31, 14.13 23 Ngode Datagaliwabehanda mana lowini ngago iname buluma̱yanaga lowinigo ogo. Iname ibu Igini Yasu Kerisohondo mini mbiraore wuwa inane gubalini ho hagahaga bu holene nga. Keriso ibugua ogonidagua dege bulene nga lene. Yo 6.29, 13.34, 15.12, 15.17, 17.3, 1 Te 4.9, 1 Pi 4.8, 1 Yo 2.8-10 24 Ngode Datagaliwabehanda mana lowini ngago iname buluma̱yanaga lowinigo hale halu bialu karu ti Ngode Datagaliwabeha hogimbu bu howa ibubi tiha hogimbu bu haga ka. Ibugua inahondo ibu Dinini ngiyagome Ngode Datagaliwabe ibu inaha hogimbu bu ka ina manda bidamagoni. Yo 14.23, 15.10, 17.21, Lm 8.9, 1 Yo 4.12-13

3:1: Yo 1.12, 3.16, 16.3, Lm 8.16, 1 Yo 4.10

3:2: Lm 8.18, 8.29, 1 Ko 15.49, 2 Ko 3.18, Pb 3.21, Kl 3.4, 2 Pi 1.4

3:4: Lm 4.15, 1 Yo 5.17

3:5: Ais 53.5-6, 53.11, Yo 1.29, 2 Ko 5.21, 1 Ti 1.15, Hi 4.15, 1 Pi 2.22-24, 1 Yo 2.2

3:6: Lm 6.1-2, 6.14, 1 Yo 2.4, 3.9, 4.8, 3 Yo 11

3:7: Lm 2.13, 1 Yo 2.26, 2.29

3:8: Pig 3.15, Lg 10.18, Yo 8.44, 16.11, Hi 2.14

3:9: 1 Pi 1.23, 1 Yo 5.18

3:10: 1 Yo 2.29, 4.8

3:11: Yo 13.34, 15.12, 1 Yo 1.5, 4.7, 4.21

3:12: Pig 4.8, Hi 11.4, Yu 11

3:13: Md 5.11-12, Yo 15.18-19, 17.14, 2 Ti 3.12

3:14: Yo 5.24, 1 Yo 2.9-11

3:15: Md 5.21-22, Ga 5.21, Mo 21.8

3:16: Yo 3.16, 13.1, 15.13, Lm 5.8, Ga 1.4, Eb 5.2, 5.25, 1 Te 2.8

3:17: Man 15.7, Lg 3.11, 1 Yo 4.20

3:18: Lm 12.9, Ya 2.15-16, 1 Pi 1.22

3:19-20: Yo 18.37, 1 Yo 1.8

3:21: Hi 4.16, 10.22, 1 Yo 2.28, 4.17

3:22: Iba 34.15, Yar 29.12, Md 7.8, 21.22, Yo 9.31, 14.13

3:23: Yo 6.29, 13.34, 15.12, 15.17, 17.3, 1 Te 4.9, 1 Pi 4.8, 1 Yo 2.8-10

3:24: Yo 14.23, 15.10, 17.21, Lm 8.9, 1 Yo 4.12-13