2
Anduane Homogo ibu ege to̱le̱ holenehe kago ogo
Anigo mana ko bibahende wahai halimu. Ke̱ holenebi tombene hondo kihe holenebi henge lolenebi mege bulenebi uruni bibahende nabilimu. Eb 4.22, 4.25, Kl 3.8, Hi 12.1, Ya 1.21 Gali áyuore taba henenerume andu noa haabo haralidagua tíguabi tí dinininaga andu gagahe ibirago noa haabo halimu. Nalu howa anda hama irigi haramigola pele mulene yu holeberami. Md 18.3, Mg 10.15, 1 Ko 3.2, 14.20, Eb 4.15-16, Hi 5.12-13 Ogoninaga bi Anduane Homogonaga mbugani lo ngagome lalu, Anduane Homogonaga biamogo bulene ngago tínime nalu dende hendene kamigoni, lalu gilibu nga. Iba 34.8, Hi 6.5
Anduane Homogo ibu ege to̱le̱ holenehe kago ibu kagoria ibalimu. Ege to̱le̱ ogoni wali agalime hondowa dabo wahayago Ngode Datagaliwabehanda, Bayale galone pale, lowa dabo helene. Iba 118.22, Ais 28.16, Md 21.42, Ab 4.11 Dinininaga anda tíni halimulo tí ege to̱le̱ holenehe kamigo ibuwa ibugua anda ogoni bule tíbi yamilo tíni henge mu halimu. Yasu Kerisoni howa anda ogoniha Ngode Datagaliwabe ibugua tíha biabe bilo helalu tígua loma binigo mo miaga baya taraore howa mbirale Dinininaga loma bia heneru Ngode Datagaliwabe ibugua turu howa yilo ibuhondo tíni miaabo halu halimu. Har 19.6, Ais 61.6, Hos 14.2, Mal 1.11, Lm 12.1, Eb 2.21-22, Pb 4.18, Hi 13.15-16, Mo 1.6 Anduane Homogonaga mbugani lo ngagome lalu,
Ege to̱le̱ mbira baya buruguleore dabarugo
i̱na Saiono dindini anda bialu kogo anda gimbunihanaga ege to̱le̱ ogoni wero.
Mbiralime ege to̱le̱ ogonihondo mini mbiraore wiyagua mini burugulo naholebiraore, Ais 28.16, Lm 9.33, Eb 2.20
lalu gilibu nga. Mini mbiraorewi kamiru tígua ege to̱le̱ ogoni baya buruguleore nga mitangi beramili. Mini mbiraore nawi karu Anduane Homogonaga mbugani lo ngagome lalu,
Ege to̱le̱ mbira anda biagame galone nabibehedago lowa dabo wahenego
ege to̱le̱ ogoniore mo timbuni duniniore ho heleda,
lalu gilibu nga. Iba 118.22, Md 21.42, Ab 4.11
Anduane Homogonaga mbugani bi mende lo ngagome lalu,
Ege to̱le̱ ogonime wali agali marunaga ge bo bidi lolebira.
Ege to̱le̱ ogonime wali agali maru mo pila holebira,
lalu gilibu nga. Ti mo pilo ibira holobadago tene tigua Ngode Datagaliwabe bi mana wiago yu tiga nabi heago hondowa ani bilo Ngode Datagaliwabehanda helene. Ais 8.14-15, Ab 4.11, Lm 9.22, 9.33, 1 Te 5.9
Ina Ngode Datagaliwabenaga wali agali kamago ogo
Ai tí ogonibi ndo hameigini daba bagi ho henego aria kami. Handame Haga Kininaga loma binigo mo miaga tí kami. Wali agali Ngode Datagaliwabehondo loma bia hene helayaru aria tí kami. Tí Ngode Datagaliwabe ibuni hangunaga wali agali kamigoni. Ngode Datagaliwabehanda tí arumaha hemiria ibunaga wá holene baya gibi kagoria halimulo olayago ibugua mbirale bibahende baya gibiore biyaru tígua lamima pilimulo dabaya. Har 19.5-6, Man 4.20, 7.6, 14.2, Ais 9.2, 40.20-21, 43.20-21, Yo 17.19, Ab 20.28, 26.18, Eb 5.8, Kl 1.13, Ta 2.14, 1 Pi 2.5 10 Abale tí ibunaga wali agali ndo harimigo áyu tí ibunagaore kamigoni. Abale tígua Ngode Datagaliwabenaga dara howa biamogo bulene manda nabi harimigo áyu tí ibunaga dara howa biamogo bulene yu kamigoni. Hos 1.9-10, 2.23, Lm 9.25
Ina Ngode Datagaliwabenaga howa garabaya biabe ale bia haga kamago ogo
11 I̱ nenegeru-o tí dindi tara taraha howa ogoria togolo yu íbu haradagua bidamigo i̱na tíhondo bi mbira ogo lawia harogo hale halu bilimu. Tingininaga hame ledamirume tínaga dinini baba wai biaabo haganego urunime tí bolangua halu wayali helo henge namilimu. 1 Bit 29.15, Iba 39.12, Ga 5.17, 5.24, Hi 11.13, Ya 4.1 12 Wali agali Ngode Datagaliwabe mana yu tiga nabi karu heba howa tígua mana bayale hangu biaabo halu kamigola tigua, Tí ko mbira ogo biya, nalelo halimu. Tí bayale dege biaga ka, lalu latagi helo bialu halimu. Ani beramigola Anduane Homogo dai bulene Horo harangi Ngode Datagaliwabe mana yu tiga nabiaga biarume Ngode Datagaliwabenaga mini mo yaraga holene hangu wulebira. Md 5.16, Lg 19.44, Lm 12.17, 2 Ko 8.21, Pb 2.15, Ta 2.8
13 Anduane Homogo mo tene halu dindini haru hagane tara tara bibahende karume mana lo ngaru hale halu bialu halimu. Kini kagome bia laradaguabi Md 22.21, Lm 13.1, Ta 3.1 14 gabumane haru hagane ibugua helayarume laradaguabi bialu halimu. Urunime wali agali ko biaga karuhondo pani milobi wali agali bayale biagarunaga mini mo yaraga helobi heleda. 15 Tinaga biabe bayale beramigome wali agali mini nawi karume lulu bi larago mo hundia halimulo Ngode Datagaliwabehanda hame leda. Ta 2.8, 1 Pi 2.12, 3.16 16 Tí wali agali golope hene howa halimu. Ani buwa, I̱ bame golope hene kogoda, lowa mana ko ohowa nabilimu. Ani nabi howa tí Ngode Datagaliwabenaga garabaya biabe ale bia haga halimu. 1 Ko 7.22, Ga 5.1, 5.13 17 Wali agali bibahende karuhondo mana bayale walia halu bialu halimu. Yasu mana yu tiga biaga karuhondobi gubalini ho halimu. Ngode Datagaliwabehondo gi ho haabo halimu. Tínaga kini dindini kagohondobi mana bayale walia halu bialu halimu. Min 24.21, Md 22.21, Lm 12.10, Pb 2.3, Hi 13.1, 1 Pi 1.22
Yasuhanda tandaga nayadagua inamebi nolene ngago ogo
18 Tí maru biabe bia hagane kamirume biabe ogoninaga anduane ibugua laradagua hale halu bialu haabo halimu. Ani buwa anduane maru tí mitangi bialu darahe karume laradagua hangu ndo kuyama karume laradaguabi bialu haabo halimu. Eb 6.5, Kl 3.22, 1 Ti 6.1 19 Ngode Datagaliwabehanda hame ledago mo tene howa tígua ko nabi kamigola mbirame tí mo tandaga haragola hibu lalu hongo haabo harimiyagua Ngode Datagaliwabehanda tí mo turu holebira. 20 Tígua ko birimigonaga pani mbirame minu baragola tígua hibu lalu hongo harimiyagua nde bayale biruda manda nabilimu. Ani ndo tígua bayale dege beramigola mbirame tí mo tandaga haragola hibu lalu hongo haabo harimiyagua nde ogoninaga Ngode Datagaliwabehanda tí mo turu holebira. 1 Pi 3.14, 3.17, 4.14-15 21 Ngode Datagaliwabehanda tí tandaga ogonibi nalu halimulo olayagoni. Irane Keriso ibugua tínaga tandaga na hene. Ibugua o nenedagonidagua ina kamarume ibu talima pialu howa ani noleberama lalu walia ka. Md 16.24, Yo 13.15, Ab 14.22, 1 Pi 3.18, 1 Yo 2.6 22 Ibugua ko mbira nabiore halu ke̱ mbira hayanebi mbiralime hale naheore hene. Ais 53.9, Yo 8.46, 2 Ko 5.21, Hi 4.15 23 Marume Yasu mege biyagola ibugua mege bia dai nabi hene. Ibu tandaga nalu howa ibugua tihondo lalu, Tíbi pani noleberami, naleore hene. Ani nale ibugua Ngode Datagaliwabe ibu ko bayalela Dabaga tigabi kago manda buwa ibuhondo mini dunubia ho hene. Ais 53.7, Md 27.39, Yo 8.48-49, Hi 12.3, 1 Pi 3.9 24 Iname ko bulenehayagi homene ale howa mana tigabi bulenehayagi dére holoma̱yabi ogoninaga Keriso ibugua ira bangani iname ko birimaru ibunaga tinginiha mo yai hene. Ibunaga tinginini motudu ngarume tí mo bayale henego kami. Ais 53.5, Lm 6.2, 6.11, 7.6, Hi 9.28 25 Tí nogo sibi pu ereba hagadagua harimi. Anigo áyu tí bu mininaga Haru Haganebi Mamage Ho Haganebi talima pilimulonaga haru dai bu helenego kami. Ais 53.6, Ese 34.5-6, 34.23, Md 9.36, Yo 10.14, Hi 13.20

2:1: Eb 4.22, 4.25, Kl 3.8, Hi 12.1, Ya 1.21

2:2: Md 18.3, Mg 10.15, 1 Ko 3.2, 14.20, Eb 4.15-16, Hi 5.12-13

2:3: Iba 34.8, Hi 6.5

2:4: Iba 118.22, Ais 28.16, Md 21.42, Ab 4.11

2:5: Har 19.6, Ais 61.6, Hos 14.2, Mal 1.11, Lm 12.1, Eb 2.21-22, Pb 4.18, Hi 13.15-16, Mo 1.6

2:6: Ais 28.16, Lm 9.33, Eb 2.20

2:7: Iba 118.22, Md 21.42, Ab 4.11

2:8: Ais 8.14-15, Ab 4.11, Lm 9.22, 9.33, 1 Te 5.9

2:9: Har 19.5-6, Man 4.20, 7.6, 14.2, Ais 9.2, 40.20-21, 43.20-21, Yo 17.19, Ab 20.28, 26.18, Eb 5.8, Kl 1.13, Ta 2.14, 1 Pi 2.5

2:10: Hos 1.9-10, 2.23, Lm 9.25

2:11: 1 Bit 29.15, Iba 39.12, Ga 5.17, 5.24, Hi 11.13, Ya 4.1

2:12: Md 5.16, Lg 19.44, Lm 12.17, 2 Ko 8.21, Pb 2.15, Ta 2.8

2:13: Md 22.21, Lm 13.1, Ta 3.1

2:15: Ta 2.8, 1 Pi 2.12, 3.16

2:16: 1 Ko 7.22, Ga 5.1, 5.13

2:17: Min 24.21, Md 22.21, Lm 12.10, Pb 2.3, Hi 13.1, 1 Pi 1.22

2:18: Eb 6.5, Kl 3.22, 1 Ti 6.1

2:20: 1 Pi 3.14, 3.17, 4.14-15

2:21: Md 16.24, Yo 13.15, Ab 14.22, 1 Pi 3.18, 1 Yo 2.6

2:22: Ais 53.9, Yo 8.46, 2 Ko 5.21, Hi 4.15

2:23: Ais 53.7, Md 27.39, Yo 8.48-49, Hi 12.3, 1 Pi 3.9

2:24: Ais 53.5, Lm 6.2, 6.11, 7.6, Hi 9.28

2:25: Ais 53.6, Ese 34.5-6, 34.23, Md 9.36, Yo 10.14, Hi 13.20