32
Ko binigo latagi holenebi Ngode Datagaliwabehanda domo waholenenagabi ogo
Mbirali ibunaga ko biniru Anduane Homogohanda domo wahalu Iba 85.2, 103.3
mana liahe biniru mo wahene kago
ibu turubiore ka.
Mbirali Anduane Homogohanda ko bira lene nabiagabi Yo 1.47, 2 Ko 5.19
ibuni miniha mo hondo holene mbira nawiore kagobi
ogoni ibu baya turubiore ka. Lm 4.7-8
 
I̱na ko biruru ogo biru lalu lapani nahe donge ho howa Iba 31.10, 38.8, 39.2-3
mbiraga horombebi miniha u̱lu̱ lalu haabo hewaria
i̱naga tingini bia ko halu homabeheore haru.
Anduane Homogo-o mbiraga horombebi í̠na i̱ pani ngiaabo hari.
Ani birigome i̱naga hongo bibahendeore pirilipe hai haya.
Dadimba tanini bereneru gaeangi poboyogo biragome yo biaganedagua
i̱naga hongo ogonidagua biya.
 
Ani biyagola i̱na ko biniru Anduane Homogo í̠ langirugoni. LBM 26.40, 2 Sml 12.13, Yob 31.33, Iba 103.12, 1 Yo 1.9
Ko mbira do nahe howa binirubi tigatiga langiai harugoni.
Ko biruru Anduane Homogo í̠hondo lapaniore hole lo manda bu henegobi
lapani hai harugoni.
Ani birugola í̠na ko biruruni domo wahai harigoni.
 
Ani biaga kago manda buwa Iba 46.1-3, 69.1, 69.13
Anduane Homogo í̠naga wali agali mini bilinahe karu
bibahendeme ti burupale kangi í̠hondo bi lolene nga.
Genda timbuni iba li ale ti kagoria anda íbu ngangi í̠hondo bi layagua
genda timbuni ogoni ti namu nalolebira.
I̱naga ha do anda í̠ kegoni. Hgn 5.1-31, Iba 31.20, 91.1, 121.7
Gendabi ngangi í̠na i̱ biamogo birili.
I̱ homedolego ibugua ogodagua mo wiya lalu
maru hale helo iba gana dalimu lalu lamulebero.
Í̠na i̱ mo wiriligonaga ani lolebero.
 
Anduane Homogohanda lalu, Iba 25.8, 33.18
Í̠ hariga pobelogo i̱na walia haga bulebero.
I̱na í̠ handaya ho howa
ogodagua bia ogodagua nabibe laga bialu langulebero.
Nogo hosi dongirume mini nawi howa piagadagua pialu keria
í̠ hariga polene ngadagua pobelo
ege pu ne hanganeha magui howa
pume hende howa haru poliya holeni, lalu leda.
 
10 Mini kowi karu ti tandaga timbuni nalu haga. Iba 16.4, Min 13.21, Lm 2.9
Anigo Anduane Homogoha hanaho haga karu
ti ibunaga gubalini holenehayagi howa yo pialu pugu biaga.
11 Anduane Homogohanda bigi biyago mitangi bialu mini tigabiwi kamiru Iba 7.10, 64.10, 97.12
ti gubaliniha turuore halimu.
Ibugua bi ledadagua bialu kamiru
tí turuore howa ga̱ lalu ladaga halimu.

32:1: Iba 85.2, 103.3

32:2: Yo 1.47, 2 Ko 5.19

32:2: Lm 4.7-8

32:3: Iba 31.10, 38.8, 39.2-3

32:5: LBM 26.40, 2 Sml 12.13, Yob 31.33, Iba 103.12, 1 Yo 1.9

32:6: Iba 46.1-3, 69.1, 69.13

32:7: Hgn 5.1-31, Iba 31.20, 91.1, 121.7

32:8: Iba 25.8, 33.18

32:10: Iba 16.4, Min 13.21, Lm 2.9

32:11: Iba 7.10, 64.10, 97.12