3
Inaiinai Iyakaisi Gwangwaneba
Mak 12:36; 16:19; Epe 1:20Meoya ye Keriso gaibu sira inaigisianawa me natawa ipewa, ye dividivi painauwa autan anoigimiya. Me apa God naniyutanwa apa Keriso wakene. Mat 6:33Ye piyu mame egave wakeyawa oya den anoya, dividivi painau wakeyawa oya anoya. Kuiyawa ye wait boriruwayana, sira ye inaiinai yeuma me guwave wakene Keriso gaibu God danave. Keriso me nu inaiinai numawa uwapewa, me kumive ye gaibu Keriso gaibu uwaya eyawa gumbe.
Rom 6:6,11; Epe 4:19; 5:3-6Meoya dividivi piyu mame inaiinai gambenwa meuma toen guriya. Uinantaraki, miyot, ano kukaeba vesin ge apan yapowo, ano kukaeba nuniatatu, dividivi mame toen guriya. Mame me god ugaugaeba waiya atanwa. Mame gumbe God danapiriwa aikpe. Ye gaibu watavit dividivi mame danave wakeyana. Me kumive meib aisiyana. Epe 4:25-29; 5:4Megara ye gaibu gare mame di mame undag epa aoreya: danapiri, diguragut, ano kukaeba, gae kukaeba sira ubmam gaiyawa, me noiwa gumbe uwapewa. Epe 4:22,25Gara ugaya den aya. Ye wait apan namuwa aropiyana dividivi ayanawa gaibu, 10  Epe 4:24sira apan mataiwa eniyana. Apan mataiwa me Apan asime wadnunnewa irawa yauyawa danave sira tobiyag mataiven aigimpe, sira natawa anoanowawa aupe. 11  Gar 3:28Me apa, Griisu igiyawa ge Ju igiyawa mu ubeube onan, kwapituitui igiyawa ge kwapituitui onan igiyawa mu ubeube onan, anoano oraiwa onan igiyawa ge Sukute igiyawa mu ubeube onan, ankwatave nau eme igiyawa ge ui onan igiyawa mu ubeube onan. Keriso me undag, sira undag danave wakene.
12  1Pi 2:9Ye God watgomiya yenne igiyawa, sira iyakaisi ge God nonemagave igiyawa. Meoya ye kokavit ano muntanwa, baigan, mokona, nonewa memeyu, sira di iyai wakeiviwa, dividivi mame eniya. 13  Epe 4:2,32Garagara iyaigit wakeya. Garadi enewa, garagara anog yankweya. Ayapan yenan anog yankwene, meoya ye gaibu anog yankweya. 14  Rom 13:8-10Sira undag mame egavewa, baigan eniya. Baigan me berip oraiminavitwa mame undag tutan oya.
15  1Ko 12:27; Epe 4:4; Pir 4:7Keriso yumiwa me nonemagewa amaraigimpe. Meib atan oya, God yenan auwane, sira ye kwapuiwa desirom ane. Sira ye gaun igiyawa aya. 16  Epe 5:19Keriso gaiyawa mauraeba kweya daneyap wakeigimpe, sira gara toewan aigimiya, sira garawano aigimiya anoano yeuma undag gumbe, sira God gumbe gaunipam bererin toigimiya Sam ge bererin ge guwawa bererinawa gumbo. 17  1Ko 10:31; Epe 5:20Ye gae gumbe go atanwa gumbe dividivi aninin ayawa, ye me di aya Ayapan Iesu iviwa gumbe, sira Ayapan gumbe Mamunwa God gumbe gaun waya.
Gwe Aninin Amat Oraivit Atanwa
18  Epe 5:22Bivituiwa, ye Ayapan gumbe wakeeme igiyawa, meoya yaimoyai memetuiwa nouwa auya.
19  Epe 5:25Memetuiwa, bivituiwa gumbo baigan aya, sira inaiinai kukaeba mu gumbo den aya.
20  Epe 6:1Ud, inemameaiwa nouwa auya dividivi undag gumbe. Me gumbe Ayapan degadega aigimpe.
21  Epe 6:4Ye Mamawaviwa, usitainewa den aya danopiriwape. Yutuwa kudnausiren den ape oya.
22  Epe 6:5-8Ankwatave nau eme igiyawa, dividivi undag gumbo, koukawa yeuma piyuwau wakeyawa nouwa auya. Yangewavit den nau aya, sira iyayapan mukut oya anog den nau aya. Ayapan oya a ag ebnotu aya, sira nonemagewa oraimina gumbe koukawa yeuma nouwa auya. 23 Ye dividivi ayawa, nonemageyap undag aya iyayapan gumbo onan megara Ayapan gumbe. 24 Ye yaug anoyana, garawa Ayapan gumbe, kwan God yenan amaraiviwa matai auya. Ye Ayapan Keriso nauwawa ene. 25  Rom 2:11Ebu desiroma, ano kukaeba eme igiyawa mu matai garawa muma mumbovit kukaeba muma oya aupe. God anoano meumawa da desirom gumbe onan. Me undag.

3:1: Mak 12:36; 16:19; Epe 1:20

3:2: Mat 6:33

3:5: Rom 6:6,11; Epe 4:19; 5:3-6

3:8: Epe 4:25-29; 5:4

3:9: Epe 4:22,25

3:10: Epe 4:24

3:11: Gar 3:28

3:12: 1Pi 2:9

3:13: Epe 4:2,32

3:14: Rom 13:8-10

3:15: 1Ko 12:27; Epe 4:4; Pir 4:7

3:16: Epe 5:19

3:17: 1Ko 10:31; Epe 5:20

3:18: Epe 5:22

3:19: Epe 5:25

3:20: Epe 6:1

3:21: Epe 6:4

3:22: Epe 6:5-8

3:25: Rom 2:11