20
Yaubada yana Veimea 10
1 Tutuyanina Mosese i laka 'oyeye Yaubada yana awave'eda'eda i lu'ivoneyedi i vo,
2 Yau 'Auvea yami Yaubada, kumaniku a vagavaimi 'wa souyemi Itifitayega, basenadi bei 'wa vetofolova-maimaiga.
3 Kebu mali yaubadavo 'waidie 'wa na 'odu'odu, yau 'aiseku yami Yaubada.
4 Sou 34:17; Vei 19:4; 26:1; VeL 4:15-18; 27:15Kebu kumaea 'wa na 'idewadi bega 'waidie 'wa na 'odu'odu, kumaeanidi 'adi 'isa'isa bani'odi tamu nani abame, fwayefwayeye 'alo ufa nageneye, ufanina fwayafwaya dibuneye. 5 Sou 34:6,7; Sal 14:18; VeL 7:9,10Kebu 'waidie 'wa na 'odu'odu wata 'wa na subisubiadi, yau 'aiseotogiku yami 'Auvea wata yami Yaubada, begaidi sauluvanina yau a vedumwe'ai'aieni. Egavo i na bailekuga a na vevematavulogidi nika i na damana natudiavo, tubudiavo wata aisediavo 'waidie. 6 We'e egavo 'wa na nuakalikaliekuga wata yaku veimea 'wa na vematayakeyakedi, yau yaku nuakalikali 'eno'eno-vagaina a na sisivemageseni 'waimie i na nagoga lakata 1,000*Nabanina 1,000 'ana 'aseta lakata fueotogidi, lu'iawa-wayoga. i mimaiga 'waidie.
7 Vei 19:12Kebu 'aku wagava 'wa na inana-'avo'avovoiga. Yau 'Auvea yami Yaubada, begaidi egavo 'aku wagava i na inana-'avo'avovoiga a na vematavulogidi.
8 Sou 16:23-30; 31:12-14'Aiata Veawai†'Aiata Veawai tamu 'ana wagava Sabati. 'wa na nuave'avini wata 'wa na ve'ililibuyeni fai 'aiatanina tabutabuna. 9 Sou 23:12; 31:15; 34:21; 35:2; Vei 23:3'Aiata 6 nagedie 'wa na folofolova 10 we'e 'aiata 'ana ve-7 'waineye 'wa na veawai fai yau 'Auvea yami Yaubada yaku 'aiata vevenua'ivinina. 'Aiatanina 'waineye kebu tamu aitoi yami 'aila'a 'wainega i na folova. De'e veimeanina natumiavo i na ve'ililibuyeni, iavetadi wata vevinedi, yami tofolovavo iavetadi wata vevinedi, yami 'aisayavo wata mali tomotoga taiadi 'wa miamianiga. 11 Nag 2:1-3; Sou 31:17'Aiatanina 'wa na ve'ililibuyeniga fai 'aiata 6 nagedie, yau 'Auvea, abama, fwayafwaya wata eyaga a 'idewadi naninidi nagedie taiadi, we'e 'aiata 'ana ve-7 'waineye a veawai. Side faifainanina yau 'Auvea 'aiatanina a awave'atumaieni wata a yato'idieni faifaiku.
12 VeL 27:16; Mad 15:4; 19:19; Mak 7:10; 10:19; Luk 18:20; Efe 6:2; Efe 6:3Tamamiavo wata inamiavo 'wa na ve'ililibuyedi nika 'ana fata yami mia i na vemanawe fwayafwayanina yau 'Auvea yami Yaubada a velevelemi.
13 Nag 9:6; Vei 24:17; Mad 5:21; 19:18; Mak 10:19; Luk 18:20; Lom 13:9; Iem 2:11Kebu 'wa na luvewafaga.
14 Vei 20:10; Mad 5:27; 19:18; Mak 10:19; Luk 18:20; Lom 13:9; Iem 2:11Kebu emiavo yadi vevinevo 'wa na luobuyediga.
15 Vei 19:11; Mad 19:18; Mak 10:19; Luk 18:20; Lom 13:9Kebu 'wa na vainagoga.
16 Sou 23:1; Mad 19:18; Mak 10:19; Luk 18:20Kebu 'wa na lu'ivona-vekavekali emiavo faifaidi.
17 Lom 7:7; 13:9Kebu 'wa na nuagiva emiavo yadi vanuga faifaidi. Wata kebu 'wa na nuagiva emiavo yadi vevinevo faifaidi, yadi tofolovavo iavetadi 'alo vevinedi faifaidi, yadi 'aisayavo wata emiavo yadi kukua.”
18 Ibu 12:18,19Tutuyanina tomotoga tumuyoana wata evulega butu'aina bwaikina i noganogaidi, nika i 'isanago namala bwaikina waowa 'wainega i namanamali wata lufwa bwaikina i lakalaka 'oyayega. Tomotoganidi 'ani'ieyega i veve'alatovoi ma yadi kololo i veve'alatatava. 19 Bega tomotoga Mosese i voneni i vo, 'Omu 'u na veifufu 'waimeye nika 'ama fata 'a na nogai, we'e Yaubada 'u na talabodeni kebu i na veifufu tonovina 'waimeye i na nunago 'a na wafa.” 20 Mosese bonadi i tutuli i vo, Kebu 'wa na kolologa, Yaubada i obuma i na sitonovimi bega 'ana kololo wata 'ana ve'ililibu i na 'eno-vagata 'waimie nika kebu 'wa na yogosako.” 21 Tomotoga 'ani'ie i tovotovoi we'e Mosese 'aisena i nago waowa dudubalina lilivaneye, waowanina nageneye Yaubada i miamia.
20:4: Sou 34:17; Vei 19:4; 26:1; VeL 4:15-18; 27:15
20:5: Sou 34:6,7; Sal 14:18; VeL 7:9,10
*20:6: Nabanina 1,000 'ana 'aseta lakata fueotogidi, lu'iawa-wayoga.
20:7: Vei 19:12
20:8: Sou 16:23-30; 31:12-14
†20:8: 'Aiata Veawai tamu 'ana wagava Sabati.
20:9: Sou 23:12; 31:15; 34:21; 35:2; Vei 23:3
20:11: Nag 2:1-3; Sou 31:17
20:12: VeL 27:16; Mad 15:4; 19:19; Mak 7:10; 10:19; Luk 18:20; Efe 6:2; Efe 6:3
20:13: Nag 9:6; Vei 24:17; Mad 5:21; 19:18; Mak 10:19; Luk 18:20; Lom 13:9; Iem 2:11
20:14: Vei 20:10; Mad 5:27; 19:18; Mak 10:19; Luk 18:20; Lom 13:9; Iem 2:11
20:15: Vei 19:11; Mad 19:18; Mak 10:19; Luk 18:20; Lom 13:9
20:16: Sou 23:1; Mad 19:18; Mak 10:19; Luk 18:20